काठमाडौँ । गत भदौ १० गते रसुवाको भोटेकोशी नदीमा आएको भीषण बाढीका कारण हालसम्म ५ हजार ७८६ जना सम्पर्कविहिन रहेका छन् ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले दिएको पछिल्लो अपडेट अनुसार अहिलेसम्म ५ हजार ७८६ जना सम्पर्कविहिन रहेका हुन् ।
सम्पर्कविहीन हुनेमा रसुवाका स्थानीय १६७७ जना रहेका छन् भने रसुवाबाट सम्पर्कविहिन भएका अन्य जिल्लाका नागरिकको संख्या १८३६ रहेको छ । त्यस्तै नुवाकोटबाट सम्पर्क विहिन हुने स्थानीयको संख्या ६५७ रहेको छ भने अन्य जिल्लाका १०९० जना रहेको प्राधिकरणले जानकारी दिएको छ । त्यसैगरी सम्पर्कविहिन हुने विदेशी नागरिकको संख्या ६३६ रहेको छ ।
त्यस्तै अहिलेसम्म १४५१ जनाको शव फेला परेको छ । जसमा रसुवामा २०३, नुवाकोटमा २३६, धादिङमा ७२, चितवनमा ३६७, गोरखामा ७९, तनहुँमा ३८, नवलपरासी पूर्वमा २२२ र नवलपरासी पश्चिममा २३२ जनाको शव फेला परेको छ । त्यस्तै बाढीबाट घाइते भएका २ जनाको काठमाडौँमा उपचारको क्रममा मृत्यु भएको छ ।
अहिलेसम्म ११० शव सनाखत भएर आफन्तले बुझेको प्राधिकरणले जानकारी दिएको छ । फेला परेका शवमा ३३६ जना महिला, ५८५ जना पुरुष र ५३० जनाको आंशिक अवशेष मात्र भेटिएको प्राधिकरणले जानकारी दिएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)