काठमाडौं । महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयले ज्येष्ठ नागरिकसँग रहेको ज्ञान, सीप र जीवनअनुभव संरक्षण तथा नयाँ पुस्तामा हस्तान्तरण गर्न ‘ज्येष्ठ नागरिक अनुभव बैंक’ निर्माण प्रक्रिया अघि बढाएको छ ।
मन्त्रालयका अनुसार डिजिटल प्रविधिको प्रयोग गरी ज्येष्ठ नागरिकका अनुभव र सीप अभिलेखीकरण गरिनेछ। यसमार्फत विद्यार्थी, युवा तथा नयाँ पुस्तालाई ज्येष्ठ नागरिकको अनुभव र ज्ञानसँग जोड्ने व्यवस्था गरिनेछ।
मन्त्री सिता बादीले ज्येष्ठ नागरिकलाई हेरचाह र संरक्षणका लाभग्राहीका रूपमा मात्र नभई समाजका महत्वपूर्ण ज्ञानदाता र मार्गदर्शकका रूपमा हेर्नुपर्ने बताएकी छन् ।
अनुभव बैंकमार्फत कृषि, उद्यम, शिक्षा, प्रशासन, कला–संस्कृति, परम्परागत ज्ञान तथा सामाजिक जीवनमा ज्येष्ठ नागरिकले हासिल गरेको अनुभव सुरक्षित गरी पुस्तान्तरण गर्ने मन्त्रालयको योजना छ ।
मन्त्रालयले बदलिँदो पारिवारिक संरचना, बसाइँसराइ र शहरीकरणका कारण ज्येष्ठ नागरिकका अनुभव हराउँदै जान नदिन यस पहललाई अघि बढाइएको जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)