काठमाडौँ । विनोद चौधरीले नेपाली कांग्रेसको समावेशीतर्फको उपसभापति पदमा उम्मेदवारी दर्ता गराएका छन् ।
चौधरीले उम्मेदवारी दर्ता गराउदै परम्पराको सम्मान गर्दै परिवर्तनको संकल्पका साथ नेपाली कांग्रेसलाई नयाँ ऊर्जा, नयाँ सोच र नयाँ दिशातर्फ अघि बढाउन मिलेर अगाडि बढ्ने बताएका छन् । त्यस्तै समावेशी उपसभापतिमा जीवन परियारले पनि मनोनयन दर्ता गराएका छन् ।
त्यसैगरी गण्डकी प्रदेशका मुख्यमन्त्री समेत रहेका नेता सुरेन्द्रराज पाण्डे, प्रवक्ता देवराज चालिसे र डा. मिनेन्द्र रिजालले खुलातर्फ उपसभापति पदमा मनोनयन दर्ता गराएका छन् ।
काँग्रेसले यस पटक वरिष्ठ उपसभापतिसहित पाँच उपसभापतिको व्यस्था गरेको छ । जसमा महिला र समावेशीलाई एक एक उपसभापति आरक्षण गरिएको छ भने खुलातर्फ २ उपसभापति र एक वरिष्ठ उपसभापति राखिएको छ । त्यस्तै महिलातर्फको उपसभापतिमा पुष्पा भुसालले उम्मेदवारी दर्ता गरेकी छन् ।
काँग्रेसको केन्द्रीय निर्वाचन समितिका अनुसार आज साँझ ६ बजेसम्म उम्मेदवारी दर्ता हुने भएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
