गुल्मी ।धुर्कोट गाउँपालिका वडा नम्बर २ पिपलधारालाई ‘पूर्ण संस्थागत प्रसुती वडा’ घोषणा गरिएको छ ।
मंगरबार औपचारिक कार्यक्रमका बीच गाउँपालिका अध्यक्ष भुपाल पोखरेलले वडालाई पूर्ण संस्थागत प्रसुती वडा घोषणा गरेका हुन् ।
चालु आर्थिक बर्षमा पिपलधारामा सबै महिलाहरु स्वास्थ्य संस्थामै प्रसुती भएपछि वडालाई नै पूर्ण संस्थागत प्रसुती वडा घोषणा गरिएको गाउँपालिकाका स्वास्थ्य संयोजक प्रेम खनालले जानकारी दिए । यो आर्थिक बर्षमा पिपलधारामा कुल २३ महिलाहरु प्रसुती भएका थिए ।
जसमध्ये २० जना पिपलधारा स्वास्थ्य चौकी र तीन जना अन्य स्वास्थ्य संस्थामा प्रसुती भएका थिए । भने शिशु मृत्युदर शून्य रहेको छ । धुर्कोट गाउँपालिकामा यसभन्दा अगाडी नै वडा नम्बर ५ वस्तु र वडा नम्बर ६ धुर्कोट रजस्थल ‘पूर्ण संस्थागत प्रसुती वडा’ घोषणा भइसकेका छन् । पालिका अध्यक्ष पोखरेलले आगामी बर्षमा बाँकी चार वडा पनि ‘पूर्ण संस्थागत प्रसुती वडा’ घोषणा गर्ने कार्यक्रम रहेको बताए ।
शिशु जन्मिदा नै स्वास्थ्य हुनुपर्ने भएकोले सबैलाई स्वास्थ्य संस्थामै प्रसुती हुनुपर्छ भन्ने चेतना अभिवृद्धिको लागि पनि पालिकाले काम गरेको पोखरेलले बताए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
