कृष्णनगरमा अक्सिजन सहितको १५ श्‍यैयाको आइसोलेसन वार्ड

सेतोमसी सहकर्मी

कृष्णनगरमा अक्सिजन सहितको १५ श्‍यैयाको आइसोलेसन वार्ड

अ +
अ
अ -

प्रिन्स मिश्रा, कपिलवस्तु । कोरोना भाइरस संक्रमितको उपचारका लागि कपिलवस्तुको कृष्णनगर नगरपालिकाले बहादुरगंजमा अक्सिजन सहितको आइसोलेसन सेन्टर निर्माण गरेको छ । कृष्णनगर नगरपालिका ९ बहादुरगंजकाे राम गाेरखा माविमा तत्काल अक्सिजन सहित १५ बेडको आइसोलेशन तयार गरेको नगर प्रमुख रजत प्रताप शाहले जानकारी दिनु भयो ।

अक्सिजन कन्सेन्ट्रेटर, सिलिन्डर सहित स्वास्थ्यकर्मी लगायतका व्यवस्थापन गरि यसै हप्ता थप १५ बेडको निर्माण गरि ३० बेड पुर्याउने कार्य तिब्र गतिमा भैरहेको नगरप्रमुख शाहले बताउनु भयो ।

नगरको नागरिकको स्वास्थ्यलाई मध्येनजर गरि सिमानाकामा स्वास्थ जाँच केन्द्र स्थापना गरेको र नेपाल भित्रिने प्रत्येक नेपालीकाे पीसिआर टेस्ट र एन्टीजेन टेस्ट हुँदै आएकाे कृष्णनगर नगरपालिकाको उपप्रमुख सबनम खातुनले जानकारी दिनु भयो ।

नगरबासीको लागि अक्सिजन सहितको आइसोलेशन सेन्टर निर्माणलाई प्राथमिकता दिएको उप प्रमुख खातुनले बताउनु भयो ।
कृष्णनगर क्षेत्रमा कोभिड संक्रमितको संख्या बढ्दै गरेको हुन्ले अक्सिजन र बेडको ब्यवस्थापन गर्ने योजनाका साथ नगरपालिका अघि बढी रहेको प्रमुख प्रशासकिय अधिकृत विजय कुमार कार्किले जानकारी दिनु भयो ।

भारतसगं सिमाना सटेकोले संक्रमित बढेकोले सामुदायमा सचेतना मुलक कार्यक्रम सन्चालन गरेको अधिकृत कार्कीले बताउनु भयो ।

कृष्णनगरमा ७५ जना कोभिड संक्रमित रहेका छन । सबैको अवस्था समान्य रहेको कृष्णनगर स्वास्थ शाखाले जनाएको छ ।