कोरोना महामारी

माथागढिका अध्यक्षले आफू चढ्ने गाडीलाई एम्बुलेन्स बनाए, ४ एम्बुलेन्स २४सै घण्टा चल्ने

सेतोमसी सहकर्मी

माथागढिका अध्यक्षले आफू चढ्ने गाडीलाई एम्बुलेन्स बनाए, ४ एम्बुलेन्स २४सै घण्टा चल्ने

अ +
अ
अ -

सुमन गाहा, पाल्पा । जिल्लाको माथागढी गाँउपालिकाका अध्यक्ष सन्तोष कुमार थापाले प्रयोग गर्दै आएको सरकारी गाडीलाई एम्बुलेन्सको रुपमा प्रयोगमा ल्याउनु भएको छ । कोरोनाबाट संक्रमित बिरामीहरु एम्बुलेन्सको समस्याले उपचारका लागि अस्पताल जान समस्या नहोस भन्नका लागि अहिलेको स्वास्थ्य सम्बन्धी विषम परिस्थितिलाई मध्यनजर गर्दै आफूले प्रयोग गर्दै आएको १ झ ३५६ नम्वरको गाडी कोरोना संक्रमित बिरामीका लागि प्रयोगमा ल्याएको बताउनुभयो ।

कोरोना संक्रमित बिरामीलाई घरबाट गाँउपालिकाले निर्माण गरेको आइसोलेसन वेडमा उपचारका लागि पु-याउन र गाँउपालिकामा उपचार हुन नसकेर रेफर भएका बिरामीलाई अस्पताल सम्म पु-याउन र ल्याउनका लागि प्रयोग गरेको अध्यक्ष थापाले बताउनुभयो।

माथागढी गाउँपालिकामा हाल आफ्नै मातहतमा दुई एम्बुलेन्स सञ्चालनमा रहेका छन् । अध्यक्ष चढ्ने एक गाडी र भूपू सैनिकको समेत गरी अब चार सवारी साधनले कोरोना संक्रमित बिरामीलाई बोक्ने ब्यवस्था मिलाइएको उहाले बताउनुभयो ।

यी गाडीहरु २४सै घण्टा सेवाप्रवाह गर्ने गरी तयारी अवस्थामा राखिएको उहाँले बताउनुभयो।उहाले भन्नु भयो यस्तो विषम परिस्थिती कोरोना कहरको अवस्थामा आफु सधै गाँउवासीको सेवामा सदैव समर्पित हुने अध्यक्ष थापाले बताउनुभयो।