'सुखी नेपाली, समृद्ध नेपाल' मेरो प्रस्ताव हो: घनश्याम भुसाल

सेतोमसी
कार्तिक १७, २०७९ बिहिवार

'सुखी नेपाली, समृद्ध नेपाल' मेरो प्रस्ताव हो: घनश्याम भुसाल

अ +
अ
अ -

देवदह । त्रिभुज चिन्ह लिएर सत्तारूढ गठबन्धनको समर्थनमा रुपन्देही क्षेत्र नं. १ बाट प्रतिनिधिसभा सदस्य पदमा स्वतन्त्र उम्मेदवारी दिएका नेता घनश्याम भुसालले 'सुखी नेपाली समृद्द नेपाल' नाराको प्रस्तावक आफु भएको बताएका छन् ।

बिहिवार देवदहमा मतदातासङ्ग कुरा गर्दै नेता भुसालले लोकतान्त्रिक गठबन्धनले मात्र मुलुकलाई समृद्धिको दिशामा लैजान सक्ने दावी गरे ।

सो क्रममा संविधानको रक्षा र लोकतन्त्रको विकास विना समृद्धिको सपना पूरा नहुँने भन्दै निर्वाचनमा मत माग्न आउने उम्मेदवारसंग संविधानको रक्षा गर्छौ कि गर्दैनौं भनेर प्रश्न गर्न आग्रह गरे ।

आफू यस क्षेत्रको विकासका लागि समर्पित भएर लाग्ने र त्यो आफुले कुराले मात्रै नभई व्यवहारमै गरेर देखाउने प्रतिबद्धता व्यक्त गरे ।मतदाताले विवेक प्रयोग गरेर असल र इमानदार उम्मेदवार छान्नुपर्ने उनको भनाइ थियो ।

त्यसैगरी रुपन्देही क्षेत्र नं. १(१) का उम्मेदवार बिश्वनाथ यादवले
गठबन्धनभित्रका उम्मेदवारहरु विकास होस या व्यवहार हरेक क्षेत्रमा इमान्दार भएको बताए।
पुनर्वास र क्षेत्र नं १ को भौतिक बिकासका लागि गठबन्धनका उम्मेदवारहरु अग्रपंक्तिमा रहेर काम गर्ने बताए।

त्यस्तै प्रदेश १(२) का उम्मेदवार अब्दुल रज्जाकले प्रत्येक मतदातालाई सजक र सचेत गराउन जरुरी रहेको बताएका छन् ।मतदातालाई पटकपटक झुठो आश्वासन मात्र दिने काम भएको बताउँदै नेता रज्जाकले मुलुक समृद्द बनाउन बाम लोकतान्त्रिक गठबन्धनको विकल्प नरहेको बताए।