प्रणय सप्ताह सुरू, गुलाफको बिक्री बढ्यो, किन मनाइन्छ 'रोज डे' ?

सेतोमसी
माघ २४, २०७९ मंगलवार

प्रणय सप्ताह सुरू, गुलाफको बिक्री बढ्यो, किन मनाइन्छ 'रोज डे' ?

अ +
अ
अ -

काठमाडौं । आजबाट प्रेमीप्रमिकाहरूको लागि सुखद सप्ताह अर्थात् भ्यालेन्टाइन सप्ताह सुरु भएको छ । आज पहिलो दिन रोज डे । रोज डेको दिन आफ्ना प्रेमी वा प्रेमिकालाई तथा मन पराइएको व्यक्ति(क्रस)लाई प्रेम दर्शाउन गुलाबको फूल दिने गरिन्छ ।

आजकाे दिनबाट सात दिनसम्म आफ्ना प्रेमी/प्रेमिकालाई दिनहुँजस्ताे विभिन्न तरिकाले प्रेम दर्शाउने गरिन्छ । काठमाडौं उपत्यकासहित देशका ठुला सहरहरूमा गुलाफको बिक्री बढेको छ ।

काठमाडौंको पेटीहरूमा गुलाफ किन्नेहरू देखिन्छन् भने पोखरा, धरान, नारायणगढ, बुटवल लगायत सहरहरूमा पनि गुलाफको खपत बढेको छ ।

किन मनाइन्छ रोज डे ?

रोज डेमा, मानिसहरूले आफ्नो मनपर्ने मानिससँग आफ्नो प्रेम व्यक्त गर्छन् । गुलाफको फूललाई आफ्नो भावना व्यक्त गर्ने प्रतीककाे रूपमा मानिन्छ । इतिहास अनुसार मुगल बेगम नूरजहाँलाई उनको पतिले रातो गुलाफ दिइएको मानिन्छ । उनलाई त्यो रातो गुलाफ धेरै मन परेपछि उनका पतिले नूरजहाँको मन खुसी पार्न हरेक दिन उनको दरबारमा ताजा गुलाफ पठाउने गर्थे ।

अर्को विश्वास अनुसार महारानी भिक्टोरियाको पालामा मानिसहरूले आफ्नो भावना व्यक्त गर्न गुलाफ साट्ने चलन थियो । भिक्टोरियन र रोमनियनहरूले पनि गुलाफको साथ आफ्नो प्रेम व्यक्त गर्थे ।