लुम्बिनीका सभामुखद्धारा प्रथम सहिद लखन थापाप्रति श्रद्धासुमन

सेतोमसी
फाल्गुण २, २०७९ मंगलवार

लुम्बिनीका सभामुखद्धारा प्रथम सहिद लखन थापाप्रति श्रद्धासुमन

अ +
अ
अ -

बुटवल । जहांनिया राणा शासनको विरुद्धमा विद्रोह गरेका नेपालका प्रथम सहिद क्याप्टेन लखन थापाको १४६ औ स्मृती दिवसमा लुम्विनी प्रदेशका सभामुख तुलाराम घर्तीमगरले श्रद्धासुमन अर्पण गरेका छन् । प्रथम सहिदप्रति श्रद्धासुमन अर्पण गर्दै सभामुख घर्तीमगरले अधिकार प्राप्तीको लागी भएको जनयुद्ध, जनआन्दोलन तथा संघर्ष र क्रान्तिका सबै सहिदहरुलाई सम्झेका छन् ।

थापा मगरलाई तत्कालीन राणा शासकले वि सं १९३३ मा गोरखा जिल्लाको मनकामना मन्दिर परिसरको रुखमा झुण्ड्याएर मृत्युदण्ड दिइएको थियो । उनको जन्म वि.सं.१८९१ (ई.सं १८३४) मा हालको गोरखा जिल्ला, बुङकोट–४ को काहुले भङ्गार (भञ्ज्याङ) मा भएको हो । थापाले सहादत प्राप्त गरेको दिन फागुन २ गते प्रत्येक वर्ष स्मृती दिवस मनाउदै आईएको छ । सभामुख घर्ती मगरले मंगलवार जारी सन्देशमा सरकारले प्रथम सहिद घोषणा गरेको सन्दर्भमा यो कुनै समुदाय वर्गको भन्दा पनि सबैको साझा दिवस भएको उल्लेख गरेका छन् ।

"तत्कालिन जंगबहादुर राणाको जनविरोधी शासन अन्त्य गरी नेपालमा सुनौलो युग प्रारम्भ गर्ने संकल्प गर्नु भएको उहांको विद्रोह समाजमा व्याप्त विभेद, अन्याय, अत्याचार, शोषण, दमन समाप्त गर्नु लक्षित थियो । ‘ निरंकुशता र स्वेच्छाचारिता कही कतै टिक्दैन र त्यो एकदिन समाप्त भएर जान्छ भन्ने सन्देश पनि उहांले नेतृत्व गरेको विद्रोहले दिन्छ’"जारी सन्देशमा उल्लेख छ ।