ठुला उद्योगको मनपरि चाल, सडकको बेहाल

सडकबीचको खाल्डोमा ट्रक फस्दा, ज्यामिरे, चारपाला सडकखण्ड २ घण्टा अवरुद्ध

रेशम अधिकारी
आषाढ २३, २०७८ बुधवार

सडकबीचको खाल्डोमा ट्रक फस्दा, ज्यामिरे, चारपाला सडकखण्ड २ घण्टा अवरुद्ध

अ +
अ
अ -

रेशम अधिकारी, सुनवल । सुन्दा अचम्म लाग्न सक्छ, पश्चिम् नवलपरासीको सुनवल नगरपालिका वडा नम्बर ७ ज्यामिरे, चारपाला हुँदै बौद्ध मार्ग जोडिने सडकमा रहेको खाल्डोमा ट्रक फस्दा सडक नै अबरुद्ध भएको छ । मङ्गलवार साझ ७ बजे पाल्पा सीमेन्टको ट्रक चारपालामा सडक बिचको ठुलो खाल्डोमा फस्दा करिब २ घन्टा सडक अबरुद्ध भएको हो ।

अबरुद्ध सडक पाल्पा सीमेन्ट कारखानाको जेसिबीको मदतले २ घन्टा पछी खुलेको थियो ।

भित्री कच्ची बाटो तर ठुला कारखानाका पाल्पा सिमेन्ट र लक्ष्मी स्टिलका कच्चापदार्थ र तयारी सामान बोकेका हेभीलोड ट्रक लगभग चौबीसै घण्टा गुड्ने यहि सडक कति खराब भएको छ भन्ने सडकमा रहेको खाल्डोमा ट्रक फसेको तथ्यले देखाउँछ ।

सडकको क्षमता भन्दा भडी लोड भएका सवारीसाधन गुड्ने र निरन्तर परेको पानीले सडकमा ठुला- ठुला खाल्डाे परेको स्थानीय बताउँछन । यसबारे पटक पटक वडा र नगरपालिकाका जनप्रतिनिधिलाई खबर गराउदै आएपनि सडकको मर्मतमा कुनै चासो नदेखाएको स्थानीको गुनासो छ । त्यसो त स्थानीय सरकारले सुनेपनी ठुला उद्योगसामु उनीहरुको केही सीप चल्दैन । यस अघि यहि सडकको धुलोले समस्या पारेको समाचार संकलन गर्नेक्रममा स्थानीय सरकारका प्रतिनिधिको भनाइ लिनेक्रममा ठुला उद्योगले आफुलाइ नटेरेको उनीहरु स्वीकार गर्दै आएका छन् । जसका कारण घाम लाग्दा धुलो र बर्षामा हिलोको समस्याले स्थानीयवासी आजीत भएका छन् ।

देशको अर्थतन्त्रका खम्बा मानिने ठुला उद्योगले यसरी जनस्वास्थ्य र सुरक्षाको सामान्य कुरा पनि ख्याल नगरी मनोमानी गर्नुले राज्यसयंन्त्र उनीहरू सामु निरीह भएको देखाउँछ ।