देवदह : टोलस्तरिय तीज गीत प्रतियोगितामा उदय आमा समूह प्रथम

नविन लुइँटेल
भाद्र २३, २०८० शनिवार

देवदह : टोलस्तरिय तीज गीत प्रतियोगितामा उदय आमा समूह प्रथम

अ +
अ
अ -

नविन लुइँटेल , देवदह । देवदहमा तीज मिलन तथा टोल स्तरीय तीज गीत प्रतियोगिता सम्पन्न भएको छ । शिवालय टोल विकास संस्थाको आयोजनमा देवदह वडा नं ६ स्थित शिवालय खेल मैदानमा सम्पन्न भएको प्रतियोगितामा उदय आमा समूह प्रथम भएको छ ।

प्रतियोगितामा सृजना आमा समूह दोस्रो, प्रगति शिवालय आमा समूह तेस्रो र माथागढि दुर्गा मन्दिर विकास सस्था सान्त्वना स्थान पाउन सफल भए । प्रतियोगितामा प्रथम हुनेलाई ७ हजार १ सय ५१ रुपैया र प्रमाणपत्र, दोश्रो हुनेलाई ५ हजार १ सय ५१ रुपैया र प्रमाणपत्र, तेस्रो हुनेलाई ३ हजार १ सय ५१ रुपैया र प्रमाणपत्र, सान्त्वना हुनेलाई २ हजार १ सय ५१ रुपैया र प्रमाण पत्र पुरस्कार स्वरूप प्रदान गरिएको छ ।

सो कार्यक्रममा बोल्दै देवदह नगरपालिका उप प्रमुख विद्यालक्ष्मी गुरुङले तीज कार्यक्रम मनाउदा मौलिक संस्कृतीलाई सङसङै जोगाएर अगाडि बढ्न जरुरी रहेको बताईं । मौलिक संस्कृति जोगाउनु सबैको दायित्व रहेको बताउदै उनले नगरपालिकाको सबैभन्दा महत्त्वपूर्ण स्थान भनेकै टोल रहेकोले विकासको साथसाथै सृजनशील कार्य गर्नुपर्ने औल्याइन् ।

प्रतियोगिताको निर्णायकमा राष्ट्रिय कलाकार तेजु अर्यालको संयोजकत्वमा अन्य दुई जना निर्णायक सदस्य विश्व गुरुङ र तृष्णा गुरुङ रहेका थिए।

कार्यक्रममा शिवालय टोल विकास संस्थाको अध्यक्ष गणेश प्रसाद बस्यालको अध्यक्षतामा, यमुना अधिकारीको सन्चालन र उपाध्यक्ष मिलन मास्की मगरको स्वागत रहेको थियो ।