उज्यालो लाल्टिनको अध्यक्षमा समज्ञा अधिकारी चयन

सेतोमसी सहकर्मी

उज्यालो लाल्टिनको अध्यक्षमा समज्ञा अधिकारी चयन

अ +
अ
अ -

रुपन्देही । रुपन्देहीको देवदहमा कृयाशिल संस्था उज्यालो लाल्टिन प्रतिष्ठानको अध्यक्षमा समज्ञा अधिकारी चयन भएकी छन् । शनिवार सम्पन्न संस्थाको पाचौं अधिवेशनले अधिकारीको अध्यक्षतामा ११ सदस्यीय कार्य समिति सर्वसम्मत चयन गरेको हो ।

नवनिर्वाचित समितिको उपाध्यक्षमा सुरज भण्डारी, सचिव यमुना गैरे, सहसचिव विराट भुषाल, कोषाध्यक्ष अस्मिता बलाल रहेका छन् । जसको सदस्यहरुमा एलिना हमाल, आस्था विक, सृष्टि भण्डारी, रेनुका थारु, उर्मिला ज्ञवाली र सोनी भण्डारी रहेको जनाईएको छ ।

कार्यक्रमलाई सम्बोधन गर्दौ लुम्बिनी विकास कोषका कोषाध्यक्ष सिद्धिचरण भट्टराईले बिगत ८ बर्षदेखि अनेकौं चुनौतीहरुको सामनाका बाबजुद समुदायको पक्षमा उभिएर बिसङ्गति र कुरितिको विरुद्धमा लड्दै आएको उज्यालो आफैमा एक उदाहरण अभियान रहेको बताए । उज्यालोले स्थापनाकालदेखि नै सुरुवात गरेको नविनतम संस्कार अनुकरणीय रहेको उनको भनाई छ ।

अधिवेशनमा बोल्दै संस्थाका सस्थापक अध्यक्षको अमृत लम्सालले सामाजिक कार्य र समाजसेवा भनेको एक भावना रहेको र यो भावनालाई सधैव जीवित राख्नु पर्ने बताए ।

यसैगरी निवर्तमान अध्यक्ष सागर भट्टराईले कोभिडपछिको अस्थिर मानसिकतालाई समेटेर समाजको हितमा प्रतिबद्ध गराउन निकै चुनौतीपूर्ण रहेतापनि ढृड संकल्पका अगाडि चुनौतीको उचाई सधैं सानो हुने विचार व्यक्त गरे ।

कार्यक्रममा सर्वोच्च अदालतका उपसचिव प्रेमनारायण पराजुली, स्थानियहरू लिला बल्लभ भट्टराई, सरस्वती बस्याल, दिपेश विक्रम मल्ल, पवन पौडेल, श्याम थापा, गोपाल पाण्डे, डा. आविष्कार पराजुली, दिपक चापागाईं लगाएतले बोलेका थिए ।