देवदहको खयरडाँडा क्षेत्रमा उत्खनन कार्य सुरु

सेतोमसी
जेठ १६, २०८१ बुधवार

देवदहको खयरडाँडा क्षेत्रमा उत्खनन कार्य सुरु

अ +
अ
अ -

देवदह । रुपन्देहीको देवदह ९ स्थित खयरडाँडा क्षेत्रमा दोश्रो चरणको उत्खनन कार्य सुरु गरिएको छ। गत वर्ष जेठमा उत्खनन गरिएको सो क्षेत्रमा पुन्ह एकबर्ष पछि उत्खनन् कार्य सुरु गरिएको हो । गत बर्ष गरिएको उत्खननका क्रममा प्राचीन इनार, माटाका भाडा, पर्खाल जस्ता पुरातात्त्विक वस्तुहरु भेटिएको थियो।

अघिल्लो वर्ष १६ औं शताब्दी मध्यकालमा धार्मिक प्रयोजनका लागि निर्माण गरे जस्तो देखिने भग्नावशेष फेला परेको पुरातत्वविद हिमाल उप्रेतिले बताए । तर फेला परेका बस्तुको आधिकारिकता भने परिक्षण पश्चात मात्र पुष्टि हुने उप्रेतीले जानकारी गराए ।

उत्खनन शुभारम्भ कार्यक्रममा देवदह नगरपालिका नगर प्रमुख ध्रुव प्रसाद खरेल, नगर उप-प्रमुख विद्या लक्ष्मी गुरुङ, लुम्बिनी विकास कोषका कोषाध्यक्ष सिद्धिचरण भट्टराई, वडा नम्बर ९ का जनप्रतिनिधि लगायत स्थानीयहरुको उपस्थिति रहेको थियो।

देवदह नगरपालिकाको आयोजना, लुम्बिनी विकास कोषको सह-आयोजना र पुरातत्व विभागको सहकार्यमा सुरु भएको उत्खनन कार्य एक महिना भन्दा बढी समय चल्ने छ । उत्खनन् कार्यको लागि पुरातत्वविद हिमाल उप्रेतिको नेतृत्वमा पुरातत्व विभागका ६ जनाको टोलि खटिएको खयरडाडा संरक्षण समितिका अध्यक्ष जिवलाल रेग्मिले जानकारी गराए ।