टी २० विश्वकप

अफगानिस्तानले न्युजिल्यान्डलाई दियो १६० रनको चुनौती

सेतोमसी सहकर्मी

अफगानिस्तानले न्युजिल्यान्डलाई दियो १६० रनको चुनौती

अ +
अ
अ -

काठमाडौं । आईसिसी टी-२० विश्वकपमा अफगानिस्तानले न्युजिल्यान्डविरुद्ध सुरुमा ब्याटिङ गर्दै ६ विकेटको क्षतिमा १५९ रन बनाएको हो।

न्युजिल्याण्डले टस जितेर सुरुमा फिल्ड रोजेपछि अफगानिस्तानले सुरुमा ब्याटिङ गरेको थियो।

अफगानिस्तानका लागि ओपनर रहमान उल्लाह गुरबाजले शानदार अर्धशक बनाए। उनले ५६ बलको सामना गर्दै ५ छक्का र ५ चौकाको मद्दतमा सर्वाधिक ८० रन बनाएका हुन्।

अर्का ओपनर इब्राहिम जाद्रानले ४१ बलको सामना गर्दै ३ चौका र २ छक्काको मद्तमा ४४ रन बनाए। पहिलो विकेटका लागि ओपनरले ८० बलमा सय रनको साझेदारी गरेका थिए।

अफगानिस्तानका लागि तेस्रोक्रममा आएका ब्याट्सम्यान अजमातुल्लाह उमरजाईले १३ बल खेल्दै दुई छक्का र एक चौकाको मद्तमा २२ रन जोडे। कप्तान राशिद खान ५ बलमा ६ रन बनाउँदै आउट भए भने अन्य ब्याट्सम्यानले उल्लेख्य रन जोड्न सकेनन्।

न्युजिल्यान्डका लागि टेन्ड बोल्ट र म्याट हेनरीले समान दुईदुई विकेट लिए भने लोकी फर्ग्युसनले एक विकेट हात पारे।

समूह ‘सी’को न्युजिल्याण्डले विश्वकपमा पहिलो खेल खेल्दैछ। अफगानिस्तान भने पहिलो खेलमा युगाण्डाविरुद्ध १२५ रनको शानदार जित निकाल्दै समूहको शीर्ष स्थानमा छ।

यो समूहमा अफगानिस्तान, न्युजिल्याण्डसँगै वेस्ट इन्डिज, युगान्डा र पपुवा न्युगिनी (पिएनजी) छन्। दुई खेल खेलेको पिएनजीले खाता खोल्न सकेको छैन भने युगान्डाले दुई खेलमा एक जितसहित दुई अंक जोडिसकेको छ।