देवदह । रूपन्देहीको देवदहमा विद्यार्थीहरूले बाँसका विरुवा रोपेका छन् । स्थानीय न्यू लुम्बिनी इंलिश बोर्डिंङ स्कूलमा पढ्ने विद्यार्थीले वृक्षरोपण कार्यक्रम अन्तरगत बुधबार एक सय वटा बाँसका विरुवा रोपेका हुन् ।
देवदह ५ र ६ मा फैलिएको बुद्ध सामुदायिक वनको सहयोगमा बाँसका विरुवा रोपिएको विद्यालयले जनाएको छ । विद्यालयमा क्रियाशील स्काउट दल, बाल क्लव र नेपाल युवा रेडक्रस सर्कलको संयुक्त आयोजनामा वृक्षरोपण कार्यक्रम गरिएको विद्यालयका प्राचार्य विनोद थापा मगरले जानकारी दिए ।
'सामाजिक उत्तरदायित्व र जिम्मेवारी पूरा गर्दै वनजंगल र वातावरणको संरक्षण गर्न वृक्षरोपण गरिएको छ' प्राचार्य थापाले भने, 'सामाजिक कार्यमा प्रत्यक्ष रुपमा विद्यार्थीहरुलाई सहभागि गराउँदै उनीहरुलाई व्यहारिक शिक्षा प्रदान गर्ने उद्देश्यसहित कार्यक्रम गरिएको हो ।'
वृक्षरोपणमा स्काउट, बालक्लव र रेडक्रस गरि ४३ जना विद्यार्थीहरुको सहभागिता रहेको थियो । जसमा न्यू लुम्बिनी स्काउट दलका मास्टर, बाल क्लव तथा रेडक्रसका ईन्चार्ज शिक्षकहरु ओमनारायण थारु, देउमाया आले, लक्ष्मी रेश्मी मगर राना र हिमाली सारुले सहजीकरण गरेको विद्यालयले जनाएको छ ।
कार्यक्रममा बुद्धसामुदायिक वनका अध्यक्ष टेक बहादुर रानासहित पदाधिकरी, सदस्य र स्थानीयको उपस्थिति रहेको थियो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)