सेतोमसी सहकर्मी
रमेश बहादुर सिह, बझाङ । बझाङको साईपाल गाउँपालिकामा एउटा पनि बैंक स्थापना नहुँदा सेवाग्राही सदरमुकाम धाउन बाध्य भएका छन् । गाउँपालिका, प्रदेश र सङ्घीय सरकारद्वारा सञ्चालन भएका योजना तथा कार्यक्रमको रकम निकासा लिन सदरमुकाम चैनपुर जानुपर्ने बाध्यता छ । बैंक स्थापना नहुँदा साईपाल बासि सामान्य चेक साट्न पनि चैनपुर आउने गरेका छन् ।
गाउँपालिकामा सञ्चालन हुने विभिन्न आयोजनाको रकम निकासा, कर्मचारी तलब भत्ता, सामाजिक सुरक्षा भत्तालगायत रकम निकाल्न दुई÷तीन दिन पैदल हिँडेर चैनपुर बजार जानुपर्ने बाध्यता कायमै छ ।
बैंक नहुँदा सबैभन्दा धेरै समस्या सामाजिक सुरक्षाको भत्ता वितरणमा हुने देखिन्छ । गाउँपालिकाले हालसम्म नगदै घरमै गएर बुझाउँथ्यो ।
पछिल्लो समय बैंकिङ प्रणालीमार्फत दिन संघ सरकारबाट परिपत्र आएकाले ज्येष्ठ नागरिकलाई समस्या भएको छ । सम्बन्धित व्यक्ति नै बैंकमा उपस्थित हुनुपर्ने भएकाले ज्येष्ठ नागरिक अपाङ्ग तथा बालबालिकालाई समस्या हुने गरेको साईपाल गाउपालिकाका अध्यक्ष राजेन्द्र बहादुर धामीले बताइएका छन।
सेतोमसी सहकर्मी
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)