युवाहरू खाडीमा काम गर्न जानु स्वाभाविक कुरा हो : गगन थापा

सेतोमसी सहकर्मी

युवाहरू खाडीमा काम गर्न जानु स्वाभाविक कुरा हो : गगन थापा

फाइल फोटो

अ +
अ
अ -

काठमाडौँ । नेपाली कांग्रेसमा महामन्त्री गगनकुमार थापाले युवाहरू वैदेशिक रोजगारीमा जाने कुरा स्वाभाविक भएको बताएका छन् । शनिबार जय नेपाल फाउन्डेसनले आयोजना गरेको सोलुखुम्बु जिल्लाबाट एसईई उर्तीण विद्यार्थीहरुलाई सम्मान कार्यक्रममा बोल्दै उनले युवाहरू वैदेशिक रोजगारी जाने अवस्था विगतमा कोरियामा पनि रहेको उल्लेख गरे ।

उनले अहिले युवाहरू खाडी लगायतका विदेशमा गएर काम गर्ने कुरालाई अस्वाभाविक नमान्न आग्रह गरे । उनले विगतका कोरियनहरू जर्मनीको खानीहरूमा काम गर्न जानका लागि प्रतिस्पर्धा गर्ने गरेको बताए ।

उनले भने–‘कोरियामा नर्सिङ गरेका छोरीहरूले युरोपमा गएर काम गरे भने त्यो बेलामा सबैभन्दा ठुलो उपलब्धि मानिन्थ्यो । धेरै वर्ष अगाडिको कुरा हैन, यो वीपी कोइराला प्रधानमन्त्री भएको बेलाको सन्दर्भ हो यो । २०१५ साल सेरोफेरोको कुरा हो, त्यहाँबाट यहाँ आइपुगेको हो । प्रत्येक देशले यसरी अवसर पक्रिएका छन् ।’

उनले नेपाललाई अव अर्को अवसर आएको बताए । नेपाललाई अब ज्ञान अर्थतन्त्र, सूचना प्रविधिमा आधारित अर्थतन्त्रमा लैजानुपर्ने बताए । थापाले भने–‘सूचना प्रविधिका यति धेरै नयाँ उद्योग, यति धेरै व्यवसाय, यति धेरै अवसर सृजना भएको छ, नेपालले यसलाई छोप्न सक्यो भने १०–१५ वर्षमा हामी एउटा विकसित देशको रूपमा अगाडि जान्छौँ । यसलाई छोप्न सकेनौँ भने हामी जहाँको त्यही रहन्छौँ ।’ उनले त्यसलाई छोप्न गणित र अङ्ग्रेजी जानेको विद्यार्थी चाहिने बताए ।