काठमाडौं । मंगलबार शेयर बजारमा पुनः रौनक फर्किएको छ । आज नेपाल स्टक एक्सचेन्ज (नेप्से) ४६.६९ अंकले बढेसँगै बजारमा रौनक फर्किएको हो ।
नेप्से १.७६ प्रतिशतले बढेर २६९२.०५ विन्दुमा पुगेको छ । दिनभरमा ६ अर्ब १२ करोड ८२ लाख ६४ हजार बारबारको १ करोड ३३ लाख ७३ हजार ४८१ कित्ता शेयर कारोबार भएको छ ।
२२१ वटा कम्पनीको शेयर मूल्य बढेको छ भने १७ वटा कम्पनीको शेयर मूल्य घटेको छ । ५ वटा कम्पनीको शेयर मूल्य भने स्थिर रहेको छ ।
आज दिनभरमा ३१९ वटा कम्पनी कारोबारमा आउँदा ६८ हजार ६१४ पटक शेयर किनबेच भएको छ । आज ५ वटा कम्पनीको शेयर मूल्यमा सकारात्मक सर्किट लागेको छ ।
आज १३ वटा समूहमध्ये सबै समूहमा हरियाली छाएको छ । सबैभन्दा बढी निर्जीवन बीमा कम्पनी ३.६० प्रतिशतले बढेर १३ हजार १९९.०९ विन्दुमा पुगेको छ । आज सबैभन्दा कम ट्रेडिङ समूह ०.३५ प्रतिशतले बढेर ३ हजार ५९८.३९ विन्दुमा पुगेको छ ।
त्यस्तै, वाणिज्य बैंक समूह १.६० प्रतिशतले, विकास बैंक २.३२ प्रतिशतले, फाइनान्स ०.३८ प्रतिशतले, होटल तथा पर्यटन २.७७ प्रतिशतले, हाइड्रोपावर २.०३ प्रतिशतले, लगानी १.३६ प्रतिशतले, जीवन बीमा १.८० प्रतिशतले, उत्पादन तथा प्रशोधन ०.९७ प्रतिशतले, लघुवित्त १.५० प्रतिशतले, म्युचुअल फण्ड १.३३ प्रतिशतले र अन्य समूह १.५७ प्रतिशतले बढेको छ ।
.gif)