काठमाडौं । आइसिसी विश्वकप लिग- २ मा युएइले दोस्रो जित निकालेको छ।
आइतबार भएको खेलमा युएइले नेदरल्यान्ड्सलाई २६ रनले पराजित गर्दै लिग-२ मा आफ्नो नवौं खेलमा दोस्रो जित निकालेको छ। यसअघि युएइले सेप्टेम्बरमा नामिबियालाई हराएको थियो।
टस हारेर पहिले ब्याटिङ गरेको युएइले निर्धारित ५० ओभरमा ८ विकेट गुमाएर २ सय ४० रन बनाएको थियो। उसका लागि कप्तान राहुल चोप्राले ७८ रन बनाउनु सर्वाधिक रह्यो। उनी बाहेक ध्रुव प्रसारले पनि ५० रनको अविजित अर्धशतकीय इनिङ खेलेका थिए।
जवाफमा नेदरल्यान्डस ४७.४ ओभरमा अलआउट हुँदै २ सय १४ रनमा समेटिएको थियो। उसका लागि बास डी लिडले ६६ तथा कप्तान स्कट एडवार्डले ५१ रन बनाएका थिए।
अन्य खेलाडीको प्रदर्शन भने गतिलो रहेन। यो सिरिजमा ओमान, नेदरल्यान्डस् र युएइ रहेका छन्।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
