काठमाडौँ । सोमबार नेपाली बजारमा सुनको मूल्यमा भारी गिरावट आएको छ। नेपाल सुनचाँदी व्यावसायी महासंघका अनुसार सुनको मूल्य आज एकैदिन करिब १६ हजारले घटेको हो।
आज सोमबार छापावाल सुन प्रतितोला १५ हजार ९०० रुपैयाँले घटेर १ लाख ५१ हजार रुपैयाँमा झरेको छ। यसअघि, आइतबार छापावाल सुन १ लाख ६७ हजार २०० रुपैयाँ कायम रहेको थियो।
आज चाँदीको भाउ पनि तोलामा ११५ रुपैयाँले घटेर १८ सय ४५ रुपैयाँ कायम भएको छ। आइतबार चाँदीको भाउ तोलाको १९ सय ६० रुपैयाँ रहेको थियो।
के छ कारण?
सरकारले हालै सुन-चाँदीमा लाग्ने भन्सार महसुल दर घटाएको छ। महसुल दर २० प्रतिशतबाट घटाएर १० प्रतिशतमा झारेपछि जसको प्रत्यक्ष प्रभाव सुनको मूल्यमा पनि पर्न गएको हो। यसैगरी, चाँदीमा लाग्ने भन्सार महसुल दर १५ प्रतिशतबाट घटाएर १० प्रतिशत भएको छ।
यहीँ मंसिर ६ गते मन्त्रिपरिषद्को बैठकले महसुल दर घटाउने निर्णय गरेको थियो। सोही निर्णय कार्यान्वयन भएसँगै सुनको मूल्यमा भारी गिरावट आएको हो।
यसअघि गत जेठ १५ गते तत्कालीन अर्थमन्त्री वर्षमान पुनले आर्थिक ऐन मार्फत सुनको भन्सारदर २० प्रतिशत पुर्याएका थिए। सो लगत्तै नेपाली बजारमा सुनको भाउ महँगो हुन पुगेको थियो।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)