काठमाडौं । नेपाल प्रिमियर लिग (एनपीएल)को लिग चरणबाट बाहिरिने चौथो टोली बनेको छ काठमाडौं गुर्खाज ।
८ अंकसहित तालिकाको पाँचौ स्थानमा रहेको काठमाडौं रन रेटका आधारमा प्रतियोगिताबाट बाहिरिएको हो ।
सोमबार सुदूरपश्चिम रोयल्ससँग कर्णाली याक्सले फराकिलो हार व्यहोरेको अवस्थामा काठमाडौंले प्लेअफका खेल खेल्ने सम्भावना थियो ।
यससँगै सोमबारको खेलमा सुदूरपश्चिमसँग ६ विकेटले पराजित कर्णाली याक्स प्लेअफमा स्थान बनाउने चौथो टोली बनाएको छ ।
कीर्तिपुर मैदानमा टस हारेर पहिले ब्याटिङमा उत्रिएको कर्णालीले निर्धारित २० ओभरमा सबै विकेट गुमाउँदै सुदूरपश्चिमलाई १०२ रनको लक्ष्य दिएको थियो ।
जवाफी ब्याटिङमा उत्रिएको सुदूरपश्चिमले १५ दशमलव २ ओभरमा ४ विकेट गुमाउँदै सजिलै लक्ष्य पूरा गरेको हो ।
कर्णालीले दिएको १०२ रनको लक्ष्य १३ ओभरभित्रै सुदूरपश्चिमले पूरा गरेको अवस्थमा काठमाडौं प्लेअफमा पुग्ने थियो ।
यससँगै लिग चरणका सात खेलमा ६ खेल जित्दै सुदूरपश्चिम १२ अंकसहित तालिकाको शीर्ष स्थानमा छ ।
लिग चरणमा २ खेल हारेको जनकपुर बोल्ट्स १० अंकसहित तालिकाको दोस्रो स्थानमा छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
