काठमाडौँ । आजबाट सुरु भएको जय ट्रफी दुई दिवसीय क्रिकेट प्रतियोगिताको आफ्नो पहिलो खेलमा मधेसले बागमतीविरुद्ध खराब ब्याटिङ गरेको छ। मधेस आफ्नो पहिलो इनिङ्समा ३५.३ ओभरमा अलआउट हुँदै १०२ रनमा समेटियो।
मधेसका कुनै पनि खेलाडीले गतिलो प्रदर्शन गर्न सकेनन्। मयंक यादवले २१ रन बनाउनु सर्वाधिक रह्यो। उनीबाहेक विशाल पटेलले १६ रन बनाउँदा हिमांशु दतले १० रन बनाए। त्यस्तै, अभिषेक तिवारीले ११ रन बनाउँदा निरज यादवले १२ रन बनाएका थिए। अभिषेक तिवारी ११ रनमा आउट भए।
मधेसलाई सस्तैमा समेट्ने क्रममा सन्दीप लामिछानेले १४ ओभर बलिङ गर्दै ४१ रन खर्चिएर ५ विकेट लिए। त्यस्तै, सूर्य तामाङले ३ विकेट लिँदा नन्दन यादव र प्रतिश जिसीले समान १–१ विकेट लिए।
जनकपुरमा जारी खेलमा खराब मौसमका कारण केही ढिला सुरु भए पनि ब्याटिङ कौशलमा भने मधेसले पनि आफूलाई पूरा दिन टिकाउन सकेन।
प्रतियोगिताको एक इनिङ्स ६० ओभरको हुनेछ। ब्याटिङ गर्ने टिमले पुरै ६० ओभर ब्याटिङ गर्न पाउने छ। यदि स्कोर पर्याप्त भएमा डिक्लेयर गर्न सक्ने छ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)