रुपन्देहीको देवदह–२ मा किशोरकिशोरी मैत्री स्वास्थ्य सेवा सम्बन्धी दुई दिने अभिमुखीकरण

सेतोमसी
फाल्गुण २१, २०८१ बुधवार

रुपन्देहीको देवदह–२ मा किशोरकिशोरी मैत्री स्वास्थ्य सेवा सम्बन्धी दुई दिने अभिमुखीकरण

अ +
अ
अ -

देवदह । रुपन्देहीको देवदह–२ मा किशोरकिशोरी मैत्री स्वास्थ्य सेवा सम्बन्धी दुई दिने अभिमुखीकरण, अन्तक्र्रिया एवम् प्रथम अर्धवार्षिक समीक्षा कार्यक्रम सुरु भएको छ । देवदह वडा नं २ को आयोजना तथा केरवानी स्वास्थ्य चौकीको सह आयोजनामा सुरु भएको अभीमुखीकरण कार्यक्रममा २० जना किशोर किशोरीहरुको सहभागिता रहेको छ ।

कार्यक्रम उद्घाटनको अवसरमा बोल्दै वडा नं २ का अध्यक्ष दल बहादुर राकसकोटीले स्वास्थ्य सम्बन्धी तालिमले किशोर किशोरीहरुको सोँचमा परिवर्तन आउने बताए । उनले स्वास्थ्य सम्बन्धि कार्यक्रममा किशोर किशोरीहरुको उपस्थिति बढाउन वडाले विभिन्न कार्यक्रमहरु गर्ने उल्लेख गरे ।

कार्यक्रम मार्फत किशोर किशोरीमा आउने परिवर्तन, भविष्यको योजना, कुलत र दुव्र्यसनीबाट जोगिने उपाए लगाएत विषयमा जानकारी गराइने केरवानी स्वास्थ्य शाखा प्रमुख काशीराम रेग्मीले जानकारी दिए । रेग्मीका अनुसार किशोर किशोरीहरुले मनमा लागेका कुरा खुलस्त रुपमा व्यक्त गर्न सक्ने वातावरण अभिमुखीकरण तालिमले प्रदान गर्नेछ ।

सोही अवसरमा देवदह नगरपालिका स्वास्थ्या शाखाका सिनियर अहेव माया पुनले २० वर्ष नपुग्दै विवाह गर्दा किशोरीहरुमा आउन सक्ने प्रजनन समस्या तथा यौन रोग सम्बन्धमा अभिमुखकरणमा जानकारी प्रदान गरिने बताइन् ।

कार्यक्रममा वडा सचिव फणेन्द्र प्रसाद बगाले, शिवपुर आधारभूत स्वास्थ्य केन्द्रका प्रमुख डिलेश्वर श्रेष्ठ, सहरी स्वास्थ्य केन्द्र भवानीपुरका प्रमुख मेघनाथ न्यौपाने लगाएत जनप्रतिनिधिहरुको उपस्थिति रहेको थियो ।