काठमाडौं । प्रधानमन्त्री एवं नेकपा एमाले अध्यक्ष केपी शर्मा ओलीले एमालेविरुद्ध आक्रमण जारी रहेको बताएका छन्। शनिबार पार्टी केन्द्रीय कार्यालय च्यासलमा आयोजित पार्टी प्रवेश कार्यक्रममा सम्बोधन गर्दै उनले अहिले विभिन्न प्रकारका कुप्रचार भइरहेको बताए।
ओलीले एमालेविरुद्ध हमला भइरहेका बेला पढेलेखेका, प्राविधिक शिक्षामा दखल राख्ने र जीवनसँग सम्बन्धित शिक्षा लिएका युवाहरूको एमाले प्रवेश नेपाल बनाउने भिजनरी संकल्प भएको बताए। उनले एमालेले युवालाई सही मार्गदर्शनका साथ सदुपयोग गर्ने उल्लेख गरे।
ओलीले भने, "दुनियाँमा विभिन्न प्रकारका कुप्रचार र कुहल्ला चलिरहेका बेला एमालेविरुद्ध यत्रा हमलाहरू भइरहँदा पढेलेखेका, प्राविधिक शिक्षामा पारंगत र जीवनसँग सम्बन्धित शिक्षा लिएका युवा साथीहरू यसरी नेकपा एमालेमा प्रवेश गर्दै हुनुहुन्छ। यो तपाईँहरूको भिजनरी संकल्प हो, नेपाल बनाउने भिजनरी संकल्प हो।"
प्रधानमन्त्री ओलीले नेकपा एमालेलाई जनताको हकअधिकार र देशका लागि लड्ने पार्टीका रूपमा चित्रित गर्दै जिम्मेवार ढंगले काम गरिरहेको पनि उल्लेख गरे। उनले उत्ताउलो नभई जिम्मेवार पार्टीको रूपमा एमालेले आफ्नो भूमिका निभाइरहेको दाबी गरे।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)