असार पन्ध्र आयो फेरि
नाराको घन्कन ।
हिलो लाग्छ खेतमा जादा
गमलामा धान रोपण ।।
कोहि भने !
एक दिनलाई फोटो खिच्न
खेतमा पाइला टेक्छन् ।
किसान भने मल र बीउ
खोज्दै सरकार हेर्छन् ।।
वर्षभरि महलमा बस्ने
एक दिन हिलोमा कुदाई ।
मल नपाई, विषादी नपाई,
किसानले खुशी कहाँ पाई ।।
पसीना बगायो किसानले
अन्न फलायो पेटको लागि ।
तर बजारमा उसैको अन्न
सस्तोमा जान्छ अझै बाँकी ।।
उचित मूल्य छैन उसलाई
न बजेटमा नाम छ ।
नीति लेख्ने कागजमा
न किसानको मान छ ।।
गमलामा होइन अब
मनमा रोपौं कृषि चेत ।
किसान बाँच्यो भने मात्र
बाँच्नेछ है देश ।।
पसीनाको मुल्य खोज्दा
बजारमा बेइमानी ।
धान सस्तो, मोटो नाफा
व्यापारीले खानी ।।
असार पन्ध्र त्यो दिन होस्
जहाँ आशा फर्कियोस् ।
मल, विषादी, मूल्य, सम्मान
सबै किसानको घर पुगोस् ।।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)