काठमाडौँ । नेपाल प्रिमियर लिग (एनपीएल) को मिनी अक्सन जारी रहेको छ । अहिलेसम्म फ्रेन्चाइजीहरुले खेलाडी किन्नेक्रम जारी रहेको छ । मिनी अक्सनको पहिलो ब्रेकसम्म ११ खेलाडीलाई बिभिन्न फ्रेन्चाइजीले किनेका छन् । 

मिनी अक्सनमा अलराउण्डर पवन सराफ कर्णाली याक्समा आबद्ध भएका छन् । ए क्याटोगोरीमा रहेका सराफलाई कर्णालीले १५ लाखमा किनेको हो । पवन इन्जुरिका कारण एनपीएलको पहिलो संस्करण खेलेका थिएनन ।

एनपीएलको मिनी अक्सनमा कुल १६४ खेलाडी प्रस्तुत हुने भएका छन् । जस अनुसार क्याटोगरि ए मा ९ जना, समुह बी मा ३७ र समुह सी मा ११८ खेलाडी रहेका छन् । आठ फ्रेन्चाइजीले १६४ खेलाडीबाट ३७ खेलाडी किन्ने छन् ।  

अक्सनमा ब्याट्सम्यान अर्जुन कुमाल पोखरा एभेन्जर्समा आबद्ध भएका छन् । बी क्याटोगोरीमा रहेका कुमाललाई पोखराले ५ लाखमा किनेको हो । अर्जुन कुमालले एनपीएलको पहिलो संस्करणमा सुदूरपश्चिममा आवद्ध भएपनि खेल्न पाएका थिएनन् ।

यस्तै विकेटकिपर ब्याट्सम्यान साहिल पटेल विराटनगर किंग्समा आबद्ध भएका छन् । बी क्याटोगोरीमा रहेका पटेललाई विराटनगरले ५ लाखमा किनेको हो । 

त्यसैगरी स्पिनर सूर्य तामाङ विराटनगर किंग्समा आबद्ध भएका छन् । ए क्याटोगोरीमा रहेका बायाँ हाते स्पीनर तामाङलाई विराटनगरले १० लाखमा किनेको हो । उनी पहिलो सिजनमा लुम्बिनी लायन्सबाट खेलेका थिए ।

त्यस्तै अक्सनमा अर्जुन साउदलाई चितवन रोयल्सले किनेको छ । विकेटकिपर ब्याट्सम्यान साउदलाई लक्की ड्र मार्फत चितवनले १५ लाखमा किनेको हो । 

यसैगरी यू–१९ टिमका कप्तान तथा तीव्र गतिका बलर हेमन्त धामीलाई सुदूरपश्चिम रोयल्सले किनेको छ । 
हेमन्तलाई लक्की ड्र मार्फत सुदूरपश्चिमले १) लाखमा किनेको हो । लुम्बिनी , जनकपुर र सुदुरपश्चिम रोयल्स र पोखरा एभेन्जर्सले धामीलाई किन्ने इच्छा देखाएकोमा ड्र मार्फत उनी सुदूरपश्चिममा आवद्ध भएका हुन् । यसअघि पहिलो सिजनमा धामी जनकपुर बोल्ट्सबाट खेलेका थिए ।

अहिलेसम्म कुन खेलाडी कतिमा विक्रि भए ?
चितवन राइनोज :
१– देव खनाल– १५ लाख
२– अर्जुन साउद–१५ लाख

लुम्बिनी लायन्स :

१– दिलिप नाथ– १० लाख

सुदूरपश्चिम रोयल्स :

१– हेमन्त धामी–१० लाख
२– टेक बहादुर रावत– २ लाख

विराटनगर किंग्स :

१–सुर्य तामाङ– १० लाख
२– सहिल पटेल– ५ लाख 

काठमाडौँ गोर्खाज :

१– उत्तम थापा मगर– ३ लाख

जनकपुर बोल्ट्स  :

१– सचिन भट्ट– २ लाख 

कर्णाली याक्स :

१– पवन सराफ–१५ लाख

पोखरा एभेन्जर्स :

१– अभिषेक तिवारी– २ लाख