काठमाडौँ । आज बडादशैँको फूलपातीमा नेपाली बक्स अफिसमा त्रिपक्षिय भिडन्त रहेको छ । आज फिल्म माइतीघर, बलिदान र हरिबहादुरको जुत्ता रिलिज भएका छन् ।
तिनै फिल्मको अग्रिम टिकट बुकिङ र शोका हिसाबले फिल्म ‘बलिदान’ अगाडि देखिएको छ । बलिदानले दुई सयभन्दा बढी शो पाएको छ छ भने कैयौं शो अग्रिम बुकिङमै हाउसफुल भएका छन् । सन्तोस सेन निर्देशित बलिदानमा समीर भट्ट, सौगात मल्ल, ऋचा शर्मा लगायतको अभिनय रहेको छ ।
त्यस्तै फिल्म माइतीघरले देशभर डेढ सयभन्दा बढी शो पाएको यो फिल्मको अग्रिम टिकट बुकिङको अवस्था सन्तोषजनक रहेको छ भने अग्रिम बुकिङमा केहि शो हाउसफुल भएका छन् । मिलन तामाङले निर्देशन गरेको माइतीघरमा केदार घिमिरे, प्रकाश सपूत, धीरज मगर, उपासना सिंह ठकुरीलगायतको अभिनय रहेको छ ।
त्यसैगरी आज रिलिज भएको फलम हरिबहादुरको जुत्ताको पनि अग्रिम टिकट बुकिङ राम्रो रहेको छ । दीपेन्द्र के. खनालको निर्देशनमा बनेको ‘हरिबहादुरको जुत्ता’ मा हरिवंश आचार्य, प्रकाश सपूत, स्वस्तिमा खड्का मुख्य भूमिकामा रहेका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
