काठमाडौँ । नेपालले वेस्ट इन्डिजविरुद्धको युनिटी टी-२० सिरिज एक खेल अघि नै जितेको छ । सोमबार राति युएईको शारजाह क्रिकेट स्टेडियममा सम्पन्न खेलमा नेपालले वेस्ट इन्डिजलाई ९० रनले पराजित गरेको हो ।
नेपालले दिएको १७४ रनको लक्ष्य पछाएको वेस्ट इन्डिजले १७.१ ओभरमा अल आउट हुदै ८३ रन मात्र बनाएको थियो । वेस्ट इन्डिजको ब्याटिंग ध्वस्त गर्ने क्रममा आदील आलमले ४ विकेट लिए भने कुशल भुर्तेलले ३ विकेट लिएका थिए ।
यसअघि टस जितेर पहिला ब्याटिंग गरेको नेपालले २० ओभरमा ६ विकेट गुमाएर १७३ रन बनाएको थियो ।
नेपालका लागि आसिफ सेखले सर्बाधिक अविजित ६८ रन बनाए भने सन्दीप जोराले ६३ रन बनाएका थिए । आसिफ र सन्दीपले चौथो विकेटका लाई सय रनको साझेदारी गरेका थिए । त्यसैगरी कुशल भुर्तेलले २, कप्तान रोहित पौडेलले ३, कुशल मल्लले ७ रन बनाएका थिए भने गुलशन झाले ६ र आदील आलमले ११ रन बनाएका थिए ।
त्यसैगरी वेस्ट इन्डिजका बलर अकील होसैन र काइल मेयार्सले २-२ विकेट लिए भने जेडीआह ब्लाड़ेसले एक विकेट लिएका थिए ।
यो जितपछि नेपालले ३ खेलको सिरिज एक खेल अघिनै २-० ले जितेको छ । अब सिरिजको अन्तिम खेल मंगलबार राति हुदैछ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)