काठमाडौँ । पाकिस्तानको आक्रमणमा अफगानिस्तानका तीन क्रिकेट खेलाडीको मृत्यु भएको छ ।

अफगानिस्तान क्रिकेट बोर्ड (एसीबी) ले पक्तिका प्रान्तमा पाकिस्तानी आक्रमणमा तीन खेलाडीको मृत्यु भएको बताएको छ । एसीबीले आक्रमणको निन्दा गर्दै आगामी नोभेम्बरमा हुने पाकिस्तानसँगको त्रिकोणीय टी-२० सिरिज नखेल्ने निर्णय गरेको छ ।

तीन खेलाडीको तस्बिर सेयर गर्दै एसीबीले भनेको छ- ;यी खेलाडीहरूलाई शुक्रबार साँझ पाकिस्तानबाट भएको आक्रमणमा लक्षित गरिएको थियो ।' अफगानिस्तान क्रिकेट बोर्डका अनुसार, आक्रमणमा तीन खेलाडीहरू - कबीर, सिब्घतुल्लाह र हारुनसहित अन्य पाँच जना सर्वसाधारणको मृत्यु भएको छ ।

बोर्डले भनेको छ- 'खेलाडीहरूप्रति सम्मान र यस दुखद घटनाको प्रतिक्रियामा, अफगानिस्तान क्रिकेट बोर्डले नोभेम्बरको अन्त्यमा हुने पाकिस्तानसँगको आगामी त्रिकोणीय टी-२० सिरिजबाट फिर्ता लिने निर्णय गरेको छ ।'

यस विषयमा पाकिस्तान क्रिकेट बोर्डबाट अहिलेसम्म कुनै प्रतिक्रिया आएको छैन । पाकिस्तान, अफगानिस्तान र श्रीलंकाबीच टी-२० सिरिज खेलिने थियो । खेलहरू नोभेम्बर १७ देखि २९ सम्म लाहोर र रावलपिंडीमा हुने तय भएको थियो ।

अफगानिस्तानका स्टार क्रिकेटर रशिद खानले पाकिस्तानको आक्रमणमा तीन क्रिकेट खेलाडी मृत्यु भएको घटनालाई बर्बरतापूर्ण भनेका छन् ।

खानले घटनापछि सामाजिक सञ्जालमा टिप्पणी गर्दै पाकिस्तानी हवाई आक्रमणलाई 'त्रासदी' को रूपमा वर्णन गरेका छन् । उनले भनेका छन्- 'नागरिकहरूलाई लक्षित गर्नु पूर्णतया अनैतिक र बर्बरतापूर्ण छ । यस्ता गैरकानूनी र अन्यायपूर्ण कार्यहरू मानव अधिकारको उल्लङ्घन हुन् ।'

साथै रशिद खानले पाकिस्तानसँगको त्रिकोणीय सिरिजबाट पछि हट्ने अफगानिस्तान क्रिकेट बोर्डको निर्णयलाई समर्थन गर्ने बताएका छन् । उनले बोर्डको निर्णयको समर्थन गर्दै भनेका छन्- 'यो कठिन समयमा म हाम्रा जनताको साथमा उभिएको छु, हाम्रो राष्ट्रिय सम्मान सबैभन्दा अगाडि आउनुपर्छ ।'

अफगानिस्तान क्रिकेट बोर्डका अनुसार, पाकिस्तानी आक्रमणमा तीन खेलाडीहरू कबीर, सिब्घतुल्लाह र हारुनसहित अन्य पाँच नागरिक मारिएका थिए । बोर्डले भनेको छ- 'खेलाडीहरूप्रति सम्मान र यस दुखद घटनाको प्रतिक्रियामा, अफगानिस्तान क्रिकेट बोर्डले नोभेम्बरको अन्त्यमा पाकिस्तानसँगको आगामी त्रिकोणीय टी-२० सिरिजबाट पछि हट्ने निर्णय गरेको छ ।'

यस विषयमा पाकिस्तान क्रिकेट बोर्डबाट अहिलेसम्म कुनै प्रतिक्रिया दिएको छैन । यो टी-२० सिरिजमा पाकिस्तान, अफगानिस्तान र श्रीलंकाबीच खेलिने थियो । खेलहरू नोभेम्बर १७ देखि २९ सम्म लाहोर र रावलपिंडीमा हुने तालिका थियो ।