देवदह । सगरमाथा आवासीय मा.वि. देवदह-७ ले अभिभावकसँग अन्तरक्रिया गरेको छ । कक्षा ८ मा अध्ययनरत विद्यार्थीहरुका अभिभावक र शिक्षकहरु बिच अन्तरक्रिया कार्यक्रम भएको विद्यालयले जनाएको छ ।
अन्तरक्रियामा अभिभावकहरुले विभिन्न रचनात्मक सुझावहरु राख्दै कक्षा ८ को परीक्षा नगर स्तरीय भएकाले उच्चतम जि.पि.ए ल्याउनका लागि अतिरिक्त कक्षाहरु सञ्चालन गर्नुपर्नेमा जोड दिए । कार्यक्रममा कक्षा शिक्षकहरु खेम आले र यतिन क्षेत्रीले विद्यार्थीहरुको शैक्षिक एवम् अन्य क्रियाकलापसहितको रिपोर्ट प्रस्तुत गरे ।
सोही अवसरमा बोल्दै विद्यालयका प्राचार्य कृष्ण प्रसाद पौडेलले अभिभावकहरु आफ्ना बालबालिकाहरुको व्यावहारिक क्रियाकलापहरुमा सहभागी भई उनीहरुलाई हौसला दिनुपर्नेमा जोड दिए ।
विद्यार्थीहरुको उमेर समूह अनुसार शिक्षक र अभिभावकले उनीहरुको भावनात्मक संवेग व्यवस्थापनमा सहयोगी बन्नुपर्नेमा प्राचार्य पौडेलले जोड दिए ।
कक्षा ८ मा अध्ययन गर्ने विद्यार्थीहरुका ४० जना अभिभावकहरुको सहभागिता रहेको कार्यक्रम विद्यालयका सह-प्राचार्य प्रदीप अधिकारीको सञ्चालनमा भएको हो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)