काठमाडौं । नेपाली कम्युनिष्ट पार्टीका संयोजक पुष्पकमल दाहाल प्रचण्डले आफ्नो नेतृत्वमा भएको जनयुद्धले उठाएका मुद्दा पूरा नभएसम्म शान्ति सम्झौताको सम्पूर्ण कार्यान्वयन सम्भव नहुने बताएका छन् ।
विस्तृत शान्ति सम्झौता १९ वर्ष पूरा भएको अवसरमा एक सन्देश जारी गर्दै प्रचण्डले तत्कालीन प्रधानमन्त्री गिरिजाप्रसाद कोइराला र आफूले विस्तृत शान्ति सम्झौतामा हस्ताक्षर गरेको ऐतिहासिक दिनको स्मरण गरेका छन् । शान्ति प्रक्रियामा विभिन्न रुपमा योगदान पुर्याउने सबैलाई सम्मान व्यक्त गर्दै उनले बाँकी कार्यभार पूरा गर्ने प्रतिबद्धता जनाएका छन् ।
तत्कालीन विद्रोही नेकपा माओवादीका अध्यक्ष समेत रहेका प्रचण्डले भनेका छन्, ‘जनयुद्धले उठान गरेका सामाजिक न्याय, सुशासन, आर्थिक समानता र समृद्धिका मुद्दाहरु पूरा नभएसम्म शान्ति सम्झौताको सम्पूर्ण कार्यान्वयन सम्भव हुँदैन ।’
नेपाली समाजमा देखापरेका समस्या समाधान गर्न सबै पक्षलाई एकताबद्ध प्रयास गर्न पनि उनले अपिल गरेका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
