म यो सहिद दिवस मनाउँदिन

रामचन्द्र तिम्सिना
माघ १६, २०७८ आइतवार

अ +
अ
अ -

म यो सहिद दिवस मनाउँदिन

गरिबको मानो फेरिएकै छैन
झुपडीको छानो फेरिएकै छैन
खै कसरी भनौं
छोरीको बिजात्रा रोकिएकै छैन
छोराको बिदेश यात्रा छेकिएकै छैन
त्यसैले म यो सहिद दिवस मनाउदिन ।

सत्ता परिवर्तनको निम्ति मात्रै होईन
सहिदहरुले बलिदानी दिएका ।
मुर्ती बनेर चोकमा ठडिन मात्रै होईन
सहिदहरुले बलिदानी दिएका ।
खै कसरी भनौं
जबसम्म देशको मुहार फेरिदैन
छिमेकीको हैकमवाद रोकिदैन
तबसम्म म यो सहिद दिवस मान्दैमान्दिन।

सामन्त ढाल्दा ढाल्दै
आफै ढलेका सहिदहरु हो सुन
दलाल मास्दा मास्दै
आफै मासिएका सहिदहरु हो सुन
खै कसरी भनौं
आफ्नै पार्टीका नेताहरु
सामन्त र दलाल बनेको टुलुटुलु कसरी हेरौं ?
त्यसैले माफ गर, म यो सहिद दिवस मनाउदिन।

जुन उदेश्य प्राप्तीका निम्ति तिमी सहिद बन्यौं
एकपटक मुर्तीबाट मान्छे बनेर त हेर
ती सबै सपनाहरु अझै अधुरै छन्
खै कसरी भनौं
ए सहिद हरु!
तिमीहरु प्रती उच्च सम्मान सहित श्रद्वा सुमन छ
जबसम्म तिम्रा सपना पूरा हुन्नन
माफ गर!
तबसम्म म यो सहिद दिवस मनाउदिन।
म यो सहिद दिवस मनाउदिन।

- रामचन्द्र तिम्सिना (आवाज)
म्यागङ ५ नुवाकोट