समाचार

मगर संघ देवदहको नवनिर्वाचित पदाधिकारीलाई पदस्थापन

सेतोमसी
पौष १८, २०८२ शुक्रवार

मगर संघ देवदहको नवनिर्वाचित पदाधिकारीलाई पदस्थापन

अ +
अ
अ -

देवदह । नेपाल मगर संघ देवदहको ५औ अधिवेशनबाट निर्वाचित पदाधिकारी र सदस्यहरुलाई पदस्थापन गरिएको छ । किशनबहादुर थापाको अध्यक्षतामा चयन भएको नेतृत्वलाई शुक्रबार एक कार्यक्रमका बिच पदस्थापन गरिएको हो ।

संघको उपाध्यक्षमा मिलन मास्कीराना, सचिवमा चोलीमाया झेडी, कोषाध्यक्षमा कुलबहादुर आले र सदस्यहरुमा फागुकुमारी सारु, गिरीबहादुर विरकट्टा, चेतबहादुर डिसुवा, विक्रम थापा, प्रितम थापा, जुनु थापा, देवबहादुर सारु, राधा फुंजामगर, अमृता घर्ती निर्वाचित भएका थिए ।

अधिवेशनले कृष्णबहादुर थापा संयोजक ताराबहादुर थापा र दिलु थापा सदस्यमा निर्वाचित भएका थिए । निर्वाचन मण्डलका संयोजक यम रानाको अध्यक्षता र नेपाल मगर संघका केन्द्रिय लेखा आयोग सदस्य जसबहादुर पुनको प्रमुख आतिथ्यमा भएको कार्यक्रममा निर्वाचित अध्यक्ष थापाले प्रतिवद्धता व्यक्त गर्दै भाषा, संस्कार, संस्कृतिको संरक्षणमा लाग्ने बताए ।

कार्यक्रममा प्रमुख अतिथि पुनले पहिचान स्थापित गर्नेगरी एकजुट हुन नवनिर्वाचितहरुलाई आग्रह गरे । कार्यक्रममा निवर्तमान अध्यक्ष मनबहादुर राना, पुर्व जिल्ला सदस्य रिता थापा लगायतले बोलेका थिए ।

निर्वाचन मण्डलका सदस्य शोभाकुमारी थापाको स्वागत र गोविन्द घर्तीको सञ्चालनमा कार्यक्रम भएको हो ।