विशेष महाधिवेशन

सभापति बनेपछि पहिलो पटक पार्टी कार्यालय जादै गगन थापा

सेतोमसी
माघ ९, २०८२ शुक्रवार

सभापति बनेपछि पहिलो पटक पार्टी कार्यालय जादै गगन थापा

अ +
अ
अ -

काठमाडौँ । नेपाली काँग्रेसको केन्द्रीय समितिको बैठक आज बस्दैछ ।

विशेष महाधिवेशनबाट निर्वाचित कार्यसमितिको बैठक पहिलो पटक आज सानेपास्थित केन्द्रीय कार्यालयमा हुन लागेको हो । आज दिउसो १ बजे सभापति गगन थापाले पार्टी कार्यालयमा कार्यभार सम्हालेपछि केन्द्रीय समितिको बैठक बस्ने बताइएको छ । आजको बैठकले काँग्रेसले आगामी चुनावमा सभापति गगन थापालाई प्रधानमन्त्रीको उम्मेदवार घोषणा गरेर निर्वाचनमा होमिने भएको छ ।

थापा यस पटक आफ्नो सिट काठमाडौँ-४ छोडेर सर्लाही–४ बाट उम्मेदवारी दिएका छन् ।

गत पुस ३० मा थापाको नेतृत्वमा कांग्रेसको नयाँ कार्यसमिति निर्वाचित भएको थियो । निर्वाचित भएपछि दुई वटा केन्द्रीय कार्यसमिति र संसदीय बोर्डको बैठक पार्टी प्यालेस र होटलमा बसेको थियो ।

विशेष महाधिवेशनबाट निर्वाचित कार्यसमितिलाई निर्वाचन आयोगले मान्यता दिएपछि देउवा पक्ष सर्वोच्च अदालत गएको थियो । सर्वोच्चले अन्तरिम आदेश दिन अस्वीकार गर्दै दुवै पक्षलाई छलफलमा बोलाएपछि थापा नेतृत्वको कार्यसमिति पार्टी कार्यालय जाने बातावरण बनेको हो । यसअघि देउवा पक्षले गगन थापा नेतृत्वको काँग्रेसलाई पार्टी कार्यालय जान नदिने भन्दै रातभर सानेपामै बसेका थिए ।