काठमाडौं । जारी आइसीसी महिला टी-२० विश्वकप ग्लोबल क्वालिफार्यस अन्तर्गत नेपालले जिम्बाबेलाई पराजित गरेको छ ।
शनिबार टियु क्रिकेट मैदानमा सम्पन्न खेलमा नेपालले जिम्बाबेलाई ६ विकेटले पराजित गरेको हो ।
जिम्बाबेले दिएको १३० रनको लक्ष्य पछाएको नेपालले १९.३ ओभरमा ४ विकेट गुमाएर लक्ष्य पुरा गरेको थियो । नेपालको जितमा पुजा महतोले अविजित ५२ रन बनाएकी थिइन् ।
यसअघि टस हारेर पहिला ब्याटिंग गरेको जिम्बाबेले २० ओभरमा ६ विकेट गुमाउदै १२९ रन बनाएको थियो । जिम्बाबेको लागि केलिस एनधलोभले अविजित ५२ रन बनाएकी थिइन् भने बेलाभ्ड विजाले ३४ रन बनाएकी थिइन् । त्यस्तै नेपालका लागि बलर रिया शर्माले २ विकेट लिएकी थिइन् भने कबिता कुवेर, पुजा महतो, सिता राना मगर र रुबिना क्षेत्रीले एक एक विकेट लिएकी थिइन् ।
यो नेपालको जारी प्रतियोगितामा तेस्रो खेलमा पहिलो जित हो । अब नेपालले आफ्नो समुह चरणको अन्तिम खेल सोमबार स्कटल्याण्डविरुद्ध खेल्ने तालिका रहेको छ ।
त्यस्तै प्रतियोगितामा जिम्बाबेले भने लगातार तेस्रो हार बेहोर्दै प्रतियोगिताबाट बाहिरिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
