काठमाडौँ । संयुक्त राज्य अमेरिकामा आएको हिम आँधीले विनाश मच्चाएको छ । आँधीका कारण १३ जनाको ज्यान लिएको छ । लगभग दस लाख मानिसहरूले बिजुली गुमाएका छन् भने असिना र हिउसहिर परेको वर्षाले बिजुलीका तारहरूमा ठूलो क्षति पुर्याएको बताइएको छ ।
यस विपत्तिपछि ठूलो संख्यामा उडानहरू रद्द गरिएको छ । रिपोर्टहरू अनुसार, कुल ११ हजार ४६६ उडानहरू रद्द गरिएको छ । सोमबारसम्म धेरै ठाउँमा विद्यालय र सरकारी कार्यालयहरू बन्द गरिएका छन् । मौसम सेवाले आँधीपछि कडा चिसोको अवधि सुरु हुने चेतावनी दिएको छ । मौसमविद्हरूले वर्षा रोकिएपछि पनि तापक्रम शून्यभन्दा कम रहनेछ, जसले गर्दा बिजुली नभएकाहरूका लागि कठिनाइहरू बढ्नेछ । लगभग १५ करोड मानिसहरू यस मौसमबाट प्रभावित हुने चेतावनी मौसम विभागले दिएको छ ।
आइतबार दिउँसोसम्म, लगभग १० लाख मानिसहरू बिजुली बिना बाँचिरहेका थिए । सबैभन्दा बढी प्रभावित क्षेत्रहरू टेनेसी, मिसिसिपी, लुइसियाना र टेक्सासका रहेका छन् । ऊर्जा र विद्युत निगम संघले ११ राज्यहरूमा हजारौं टोलीहरू बिजुली पुनर्स्थापित गर्न चौबीसै घण्टा काम गरिरहेको बताएको छ ।
तथ्याङ्क अनुसार, पेन्सिलभेनियाका केही क्षेत्रमा ३६ घण्टामा २० इन्चसम्म हिउँ परेको छ । मिनेसोटामा तापक्रम माइनस ४० डिग्रीमा झरेको बताइएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
