काठमाडौँ । ओमानको मसन्दाम तट नजिकै एक तेल बोक्ने जहाजमाथि आक्रमण भएको छ । आइतबार ओमानको समुद्री सुरक्षा केन्द्रले दिएको जानकारीअनुसार तटबाट करिब पाँच नौटिकल माइल दूरीमा उक्त घटना भएको हो ।
आक्रमणमा परी चार जना घाइते भएका छन् भने जहाजमा रहेका २० जना चालक दलका सबै सदस्यलाई सुरक्षित रूपमा उद्धार गरिएको जनाइएको छ। 'स्काइलाइट' नाम रहेको उक्त जहाज प्रशान्त महासागरस्थित सानो द्वीपीय राष्ट्र पलाउको झण्डा अन्तर्गत सञ्चालनमा रहेको थियो ।
समुद्री सुरक्षा केन्द्रका अनुसार घाइते तथा चालक दलको उद्धार ओमानको नौसेना र सैनिक टोलीले संयुक्त रूपमा गरेको हो । यस घटनाले समुद्री आपत्कालीन अवस्थासँग जुध्न देश तयार रहेको सन्देश दिएको पनि केन्द्रले जनाएको छ ।
हालै इरान र अमेरिकाबीच नयाँ आणविक सम्झौताका विषयमा भएको वार्तामा ओमानले मध्यस्थकर्ताको महत्वपूर्ण भूमिका निर्वाह गर्दै आएको अवस्थामा यो घटना सार्वजनिक भएको हो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
