सेतोमसी सहकर्मी
सुमन गाहा, पाल्पा । पाल्पा जिल्लाको रैनादेवि छहरा गाउँपालिका–३ मा आगलागीमा परी गएराती एक पुरुषले ज्यान गुमाएका छन् । मँगलबार रातको करिब साढे दश बजेको समयमा आफू सुत्ने घरको कोठामा एक्कासी आगलागी भएपछि उनको जलेर मृत्यु भएको जिल्ला प्रहरी कार्यालय पाल्पाले जनाएको छ । रैनादेवि छहरा गाउँपालिका–३ ढुकुर खोला बस्ने ५९ वर्षीय हरिबहादुर कुमालको जलेर मृत्यु भएको हो ।
टिनको छाना भएको आफ्नै ३ तले घरको दोस्रो तलामा सुतिरहेका उनी आगलागिमा परेका हुन् । उनी सुत्ने कोठामा एक्कासी कसरी आगो लाग्यो भन्ने विषयमा अनुसन्धान भइरहेको प्रहरीले जनाएको छ । उनका परिवारहरु श्रीमती, छोरा र छोरीहरु अर्को गोठसहितको (नालेघर) मा सुतेका थिए ।
घटना थाहा पाएलगत्तै उनको परिवार र छिमेकीले राती साढे १२ बजेसम्ममा आगो नियन्त्रणमा लिएका थिए ।
मृतकका २ छोराहरु बुटवल बस्दै आएका छन् । घटना बारे थप अनुसन्धान जारी रहेको प्रहरीले जनाएको छ ।
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
