काठमाडौँ । बहराइनमा इरानले गरेको आक्रमणका क्रममा खसेका क्षेप्यास्त्रका टुक्राले लागेर कम्तीमा तीन जना घाइते भएका छन् । बहराइनको गृह मन्त्रालयले ईरानतर्फबाट भएको आक्रमणका बेला झरेका क्षेप्यास्त्रका अवशेषका कारण उनीहरू घाइते भएको जनाएको हो ।
मन्त्रालयका अनुसार उक्त घटनामा मुहर्रक शहरमा रहेको एक विश्वविद्यालयको भवनमा पनि क्षति पुगेको छ। सामाजिक सञ्जालमार्फत सार्वजनिक गरिएको वक्तव्यमा मन्त्रालयले घाइते हुनुको कारण खसिरहेका क्षेप्यास्त्रका टुक्रा भएको उल्लेख गरेको छ।
मुहर्रक बहराइनको तेस्रो सबैभन्दा बढी जनसंख्या भएको शहर हो। घटना लगत्तै त्यहाँ सुरक्षाकर्मी र उद्धार टोली पठाइएको जनाइएको छ।
हालका दिनहरूमा खाडी क्षेत्रमा क्षेप्यास्त्र र मानवरहित हवाई आक्रमण बढेपछि धेरै देशहरूले सुरक्षा सतर्कता बढाएका छन्। यसैबीच लेबनानमा भएको इस्राइली आक्रमणपछि त्यहाँका धेरै भवनहरू पनि ध्वस्त भएका छन्।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)