काठमाडौँ । बेलायतले होर्मुज संकटबारे ३५ देशको आपतकालीन बैठक आयोजना गर्ने भएको छ ।
बेलायतका प्रधानमन्त्री केइर स्टार्मरले यसै साता बैठक बस्ने घोषणा गरेका छन् । बैठकको मुख्य उद्देश्य महत्वपूर्ण समुद्री मार्ग होर्मुज जलडमरू पुनः सञ्चालन गर्ने विषयमा छलफल गर्नु रहेको जनाइएको छ ।
यस बैठकमा विश्वका प्रमुख देशहरूको सहभागिता रहने अपेक्षा गरिएको छ। समुद्री मार्गको सुरक्षा, आपूर्ति व्यवस्थापन र दीर्घकालीन समाधानबारे साझा धारणा बनाउने लक्ष्य राखिएको छ ।
यस विषयमा कतारले पनि चासो देखाएको छ । उता भारतको सहभागिताबारे भने अझै टुंगो लागेको छैन, तर सहभागी हुन सक्ने सम्भावना रहेको बताइएको छ ।
विशेषगरी भारत आफ्नो ऊर्जा आवश्यकताका लागि यस मार्गमा धेरै निर्भर रहेको र सो क्षेत्रमा ठूलो संख्यामा भारतीय नागरिक बसोबास गर्ने भएकाले उसको सहभागिता महत्वपूर्ण मानिएको छ ।
होर्मुज जलडमरू विश्वको प्रमुख तेल आपूर्ति मार्गमध्ये एक भएकाले यसको अवरोधले अन्तर्राष्ट्रिय ऊर्जा बजारमा गम्भीर असर पार्न सक्ने विश्लेषण गरिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
