देवदहको युगज्योति माविलाई उत्कृष्ट विद्यालय सम्मान

सेतोमसी
आषाढ २९, २०८३ सोमवार

देवदहको युगज्योति माविलाई उत्कृष्ट विद्यालय सम्मान

अ +
अ
अ -

देवदह । सामाजिक विकास डिभिजन कार्यालय भैरहवाले युगज्योति माद्यामिक विद्यालय देवदहलाई उत्कृष्ट विद्यालयको रुपमा सम्मान गरेको छ ।

लुम्बिनी प्रदेश सामाजिक विकास मन्त्रालय अन्तर्गतको उक्त कार्यालयले देवदहको युगज्योति माविसँगै रुपन्देही र पश्चिम नवलपरासीका १६ वटा विद्यालयलाई सम्मान गरेको हो । दुई जिल्ला कार्यक्षेत्र रहेको डिभिजन कार्यालयले २३ वटा स्थानीय तह मध्ये मापदण्ड पुगेका १६ वटा विद्यालय छनोट गरि पुरस्कृत गरेको जनाएको छ ।

यसैगरी कार्यालयले विद्यालयसँगै उत्कृष्ट शिक्षकहरुलाई समेत सम्मान गरेको छ । यसरी सम्मानि हुनेहरुमा देवदहबाट केरवानी माविका प्रधानाध्यापक निर्मल ढुङ्गाना र देवदह माविका प्रधानाध्यापक हरिप्रसाद पाण्डे रहेका छन् ।

आइतवार भैरहवा स्थित शिक्षा तालिम केन्द्रमा आयोजित शिक्षक तथा विद्यालय सम्मान कार्यक्रममा सामाजिक विकास मन्त्रालयका सचिव दिवाकर भण्डारीले विद्यालय तथा शिक्षकहरुलाई सम्मानपत्रद्धारा सम्मान गरेका हुन् ।