हेफरकाे पशु उचित व्यवस्थापन तालिम रुरुक्षेत्रकाे च्यूृरेकमा शुरु

सेतोमसी
जेठ १३, २०७९ शुक्रवार

हेफरकाे पशु उचित व्यवस्थापन तालिम रुरुक्षेत्रकाे च्यूृरेकमा शुरु

अ +
अ
अ -

कृष्ण अन्जान ,गुल्मी । हेफर प्राेजेक्ट र रुरुक्षेत्र गाउँपालिकाकाे आर्थिक र प्राविधिक सहयाेगमा तीन दिवसिय पशु उचित व्यवस्थापन तालिम रुरुक्षेत्र गाउँपालिका १ काे च्यूरेकमा शुक्रवार देखि शुरु भएकाे छ ।

आर्थिक समृद्धिका लागि साझेदारी कार्यक्रम तथा रुरुक्षेत्र कृषि तथा पशु उधमशिलता विकास परियाेजना मार्फत सन्चालित तालिंम बाेल्दै रुरुक्षेत्र गाउँपालिका वडा न १ का युवा वडा सदस्य घनस्याम ज्ञवालीले तालिम भनेकाे शिक्षा हाे ,प्राप्त शिक्षालाई व्यवहारमा उतार्न आग्रह गरे ।

तालिम कार्यक्रममा बाेल्दै नेपाल पत्रकार महासँघका केन्द्रीय अनुशासन विभागका सदस्य कृष्ण ज्ञवालीले ग्रामीण क्षेत्रमा लागू भएका विकास परियाेजना हरुले गाउँघरमा सामाजिक सचेतना अभिवृद्धि गर्ने बताए ।
स्थानीय दुर्गा भगवती महिला स्वालम्बि आमा समुहका करिब साढे दुई दर्जन महिला समुहका सदस्य हरुलाई लक्षित गरि तालिम कार्यक्रमकाे आयाेजना गरिएकाे हेपर प्राेजेक्टका प्रतिनिधि रमेश ज्ञवालीले जानकारी दिए ।
समुहकि अध्यक्ष तुल्सा ज्ञवालीकाे अध्यक्षतामा भएकाे कार्यक्रममा स्वागत सामुदायिक सहज कर्ता मिना ज्ञवालीले गरेकि थिईन ।
करिब एक वर्ष देखि रुरुक्षेत्र गाउँ पालिकामा सन्चालित हेफर प्राेजेक्टले मुख्यतया कृषि र पशुपालनका क्षेत्रमा काम गरिरहेको छ ।