चितवन । भोटेकोशी र त्रिशूली नदीमा आएको बाढीको बहाव आज दिउँसो करिब साढे ३ बजे देवघाट आइपुग्ने अनुमान गरिएको छ ।
देवघाटस्थित बाढी मापन केन्द्रमा हाल पानीको सतह ४.७६ मिटर रहेको छ। प्रारम्भिक अनुमानअनुसार बाढीको बहाव आइपुगेपछि पानीको सतहमा करिब ३ मिटरले वृद्धि हुन सक्ने जनाइएको छ ।
यसअनुसार देवघाटमा पानीको सतह करिब ८ मिटर पुग्न सक्ने र यो २ देखि ३ वर्षमा एकपटक दोहोरिन सक्ने प्रकृतिको बाढी हुने अनुमान गरिएको छ ।
प्रारम्भिक आकलनअनुसार चितवन र नवलपरासी क्षेत्रमा ठूलो डुबानको सम्भावना कम रहेको जनाइएको छ । यद्यपि अर्को सूचना जारी नभएसम्म नदी आसपासका बस्ती तथा बजार क्षेत्रमा बसोवास गर्ने नागरिकलाई सुरक्षित र अग्लो स्थानमा रहन आग्रह गरिएको छ ।
बाढी पूर्वानुमान महाशाखाले नदीको बहावमा थप परिवर्तन आउन सक्ने भएकाले तटीय क्षेत्रका बासिन्दालाई निरन्तर सतर्क रहन तथा आधिकारिक सूचनामा ध्यान दिन अनुरोध गरेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)