देवदह । शितलनगर सुपर स्ट्राइकर्सलाई ८१ रनले पराजित गर्दै ढेकावर योध्दा देवदह प्रिमियर लिग (डिपिएल) को क्वालिफायर २ मा प्रवेश गरेको छ । शनिबार सम्पन्न खेलसँगै शितलनगरको डिपिएल-३ को यात्रा समाप्त भएको छ ।
देवदह क्रिकेट युनिटको मैदानमा टस जितेर पहिले ब्याटिङ गरेको ढेकावर योध्दाले निर्धारित २० ओभरमा ९ विकेट गुमाएर १४१ रन बनाएको थियो । उसका लागि सम्राट थापाले ५० बलमा ४३ रन बनाए । त्यस्तै तुलबहादुर थापाले १८ बलमा ३६ र रामनाथ कुर्मीले १३ बलमा २४ रनको योगदान गरे ।
१४२ रनको लक्ष्य पछ्याएको शितलनगर सुपर स्ट्राइकर्स १२.५ ओभरमा ६० रनमै समेटियो । शितलनगरका लागि कप्तान विनोद क्षेत्रीले १६ र सन्देश थापाले १३ रन बनाए । ढेकावरका घनश्याम लोधले ४ विकेट लिए भने युवराज यादवले ३ तथा हिल्सन क्षेत्रीले २ विकेट लिए ।
यस जितसँगै ढेकावर योध्दा क्वालिफायर २ मा पुगेको छ भने शितलनगर प्रतियोगिताबाट बाहिरिएको छ ।
अब आइतबार हुने क्वालिफायर २ मा ढेकावर योध्दा र आजै बिर्ता राइनोजसँग पराजित भएको खैरेनी ग्ल्याडियटर्सबीच प्रतिस्पर्धा हुनेछ । उक्त खेलको विजेताले फाइनलमा बिर्ताको सामना गर्नेछ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
