देवदह । देवदह प्रिमियर लिग (डिपिएल) अन्तर्गत बुधबार भएको खेलमा शितलनगर सुपर स्ट्राइकर्सले टटेरा डाइनामाइटमाथि ४१ रनको जित निकालेको छ ।
देवदह क्रिकेट युनिटको मैदानमा भएको खेलमा १३२ रनको लक्ष्य पछ्याएको टटेरा डाइनामाइट १९.३ ओभरमा ९० रनमा समेटिएपछि शितलनगरले जित हात पारेको हो ।
टस हारेर पहिले ब्याटिङ गरेको शितलनगरले निर्धारित २० ओभरमा १० विकेट गुमाएर १३१ रन बनाएको थियो । उसका लागि बिनोद क्षेत्रीले सर्वाधिक २८ रन बनाए । उनले ३ चौका र १ छक्का प्रहार गरे । पिन्टु चायले २५, सचिन पाण्डेले २३ तथा प्रवीणकुमार केवटले १४ रनको योगदान गरे ।
टटेराका लागि नरेश श्रीसले ४ तथा रोशन गौतमले ३ विकेट लिए । मनजित हरिजनले २ र रविश कुर्मीले १ विकेट हात पारे ।
१३२ रनको लक्ष्य पछ्याएको टटेराका लागि डेभिड थापाले सर्वाधिक ४५ रन बनाए । विशाल थापाले १२ र रोहित कुँवरले १४ रन बनाए पनि अन्य ब्याटरले उल्लेख्य योगदान दिन सकेनन् ।
टटेरालाई कम स्कोरमा रोक्ने क्रममा शितलनगरका सन्देश थापाले ४ तथा युवराज यादवले ३ विकेट लिए । निरज भण्डारी, पिन्टु चाय र बिनोद क्षेत्रीले समान १ विकेट लिए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
