काठमाडौँ । परराष्ट्रमन्त्री शिशिर खनालले प्रतिनिधिसभामा रसुवाको भोटेकोशी नदीमा आएको बाढीबाट भएको क्षति, बेपत्ता तथा उद्धार कार्यबारे जानकारी गराएका छन् ।
मन्त्री खनालका अनुसार बाढी प्रभावित क्षेत्रमा हालसम्म ९ जनाको शव फेला परेको छ । त्यस्तै सशस्त्र प्रहरी बलका २६ जना, नेपाल प्रहरीका ९ जना र नेपाली सेनाका ४४ जना सम्पर्कविहीन रहेको मन्त्री खनालले जानकारी दिएका छन् ।
बाढीका कारण रसुवागढी जलविद्युत् आयोजना र रसुवा भन्सार कार्यालयका कर्मचारीसमेत बेपत्ता भएको जानकारी मन्त्री खनालले प्रतिनिधिसभामा गराएका छन् ।
प्रभावित क्षेत्रमा खोज तथा उद्धार र राहतका लागि १३ वटा हेलिकोप्टर परिचालन गरिएको उनले बताएका छन् । सरकारले राहत तथा उद्धारका लागि रसुवा र नुवाकोटको विपद् कोषमा एक–एक करोड रुपैयाँ तथा धादिङको विपद् कोषमा ५० लाख रुपैयाँ हस्तान्तरण गरेको छ ।
बाढी प्रभावित क्षेत्रमा उद्धार, खोज तथा राहत कार्यलाई तीव्र बनाइएको भन्दै मन्त्री खनालले मित्रराष्ट्रबाट समेत राहत तथा सहयोगको प्रतिबद्धता आउने क्रम जारी रहेको जानकारी दिएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)