काठमाडौँ । अमेरिकी राष्ट्रपति डोनाल्ड ट्रम्पले साउदी अरबलाई ४८ वटा एफ ३५ लडाकु विमान बिक्री गर्न स्वीकृति दिएका छन् । करिब २४ अर्ब अमेरिकी डलरको यो सम्झौता कार्यान्वयनका लागि अमेरिकी संसद्को स्वीकृति आवश्यक हुनेछ ।
यसबीच अमेरिकी गुप्तचर निकायले एफ ३५ को संवेदनशील प्रविधि चीनको हातमा पुग्न सक्ने जोखिमबारे चिन्ता व्यक्त गरेको छ । चीनले साउदीसँगको सैन्य तथा प्राविधिक सहकार्यमार्फत विमानसम्बन्धी प्रविधि प्राप्त गर्न सक्ने अमेरिकी पक्षको आशंका छ ।
एफ ३५ अमेरिकाको अत्याधुनिक लडाकु विमान हो । साउदीको चीनसँग बढ्दो सैन्य सम्बन्ध र पूर्वाधारमा चिनियाँ कम्पनीको सहभागिताले अमेरिकाको सुरक्षा चिन्ता थप बढाएको बताइएको छ ।
इजरायलले पनि साउदीलाई एफ ३५ बिक्री गर्दा आफ्नो मध्यपूर्वी सैन्य अग्रतामा पर्न सक्ने प्रभावबारे चासो व्यक्त गरेको छ । विमान निर्माण र आपूर्तिमा धेरै वर्ष लाग्ने भएकाले स्वीकृति पाए पनि साउदीले तत्काल भने विमान प्राप्त गर्ने छैन ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)