बुटवल । उद्योग व्यापार संघ बुटवलले आयोजना गरेको रक्तदान कार्यक्रममा ७९ पिन्ट रगत संकलन भएको छ ।
बाढी, पहिरो लगायत प्राकृतिक विपत्तिका कारण रगतको अभाव हुन सक्ने अवस्थालाई मध्यनजर गर्दै सोमबार रक्तदान कार्यक्रम आयोजना गरिएको संघका महासचिव विजय आचार्यले बताए ।
रक्त सञ्चार केन्द्र बुटवलमा आयोजित कार्यक्रममा संघका पदाधिकारी, कार्यसमिति सदस्य, साधारण सदस्य, सल्लाहकार तथा शुभेच्छुकहरूले रक्तदान गरेका थिए ।
कार्यक्रममा बोल्दै संघका केन्द्रीय अध्यक्ष खिमनारायण पराजुलीले निजी क्षेत्रले उद्यम गर्ने, रोजगारी सिर्जना गर्ने र राज्यलाई कर तिर्ने कामसँगै रक्तदानजस्ता सामाजिक कार्यमा समेत संलग्न हुनु मानवीय कार्य भएको बताए ।
संघका अध्यक्ष लोकनाथ पन्थीले संस्थागत सामाजिक उत्तरदायित्वअन्तर्गत रगतको अभावमा कसैको उपचार प्रभावित नहोस् र कसैले ज्यान गुमाउन नपरोस् भन्ने उद्देश्यले रक्तदान कार्यक्रम आयोजना गरिएको बताए ।
केशव पौडेलले संयोजन गरेको कार्यक्रममा संघका वरिष्ठ उपाध्यक्ष पदम जीसी, उपाध्यक्ष केशव श्रीष लगायतको उपस्थिति रहेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
