कोरोना महामारी

ब्यक्ति वा संस्थाले अक्सिजन राखेको पाइए कारवाही गरिने जिल्ला प्रशासन रुपन्देहीको चेतावनीकारवाही

सेतोमसी
बैशाख ३०, २०७८ बिहिवार

ब्यक्ति वा संस्थाले अक्सिजन राखेको पाइए कारवाही गरिने जिल्ला प्रशासन रुपन्देहीको चेतावनीकारवाही

अ +
अ
अ -

रुपन्देही । कोभिड-१९ को नयाँ भेरियन्टबाट उत्पन्न महामारीको विषम परिस्थितिका कारण अस्पतालहरुमा संक्रमितको चाप अत्यधिक बढेकोले ब्यक्ति वा संस्थाले अक्सिजन नराख्न अनुरोध गरिएको छ । जिल्ला प्रशासन कार्यालय, रुपन्देहीले एक सूचना जारी गर्दै सो जानकारी गराएको हो ।

प्रशासकीय अधिकृतद्वारा जारी गरिएको सूचनामा भनिएको छ - "एकातिर अस्पतालमा विरामीको उपचारमा अक्सिजनको अभाव भएको छ भने अर्कोतिर यस महामारीको डर र त्रासका कारण ब्यक्ति तथा संस्थाले अक्सिजन सिलिन्डर घर घरमा लगि रिजर्भ राखेको भन्ने सूचना यस कार्यालयलाई प्राप्त हुन आएको छ ।"

महामारीको विषम घडीमा हामी सबै एकजुट भै सामना गर्नु प्रत्यक नागरिकको कर्तव्य र दायित्व हो भन्दै पछिका लागि साँचेर मलाई पछि चाहिन्छ भनेर आफ्नो घरमा, संस्थामा होल्ड गरेर राखेका सम्पूर्ण अक्सिजन सिलिन्डरहरुको विवरण नजिक रहेको सुरक्षा निकायमा यथाशिघ्र जानकारी गराउन अनुरोध समेत गरिएको छ ।

मानवीय क्षति रोक्ने कार्यमा सहयोग गरिदिनुहुन सम्बन्धित सबैको जानकारीका लागि सुचना जारी गरिएको बताउँदै सूचनाको अवज्ञा गरी विना जानकारी व्यक्ति/संस्थाले अक्सिजन राखेको पाइएमा प्रचलित कानुन बमोजिम कारवाही गरिने जिल्ला प्रशासन कार्यालयले जनाएको छ ।