माण्डवी गाउँपालिकाद्वारा नवआगन्तुक प्रमुख प्रशासकीय अधिकृतलाई स्वागत

सेतोमसी
भाद्र २८, २०७९ मंगलवार

माण्डवी गाउँपालिकाद्वारा नवआगन्तुक प्रमुख प्रशासकीय अधिकृतलाई स्वागत

अ +
अ
अ -

प्युठान । प्युठानको माण्डवी गाउँपालिकामा नवआगन्तुक प्रमुख प्रशासकीय अधिकृतलाई स्वागत गरिएको छ । मंगलबार एक कार्यक्रमविच प्रमुख प्रशासकीय अधिकृत प्रकाश पाण्डेलाई कार्यालयमा स्वागत गरिएको हो ।

स्वागत कार्यक्रममा बोल्दै गाउँपालिकाका अध्यक्ष नमराज अधिकारीले नवआगन्तुक प्रशासकिय अधिकृतको आगमनसंग माण्डवी गाउँपालिकालाई नमूना गाउँपालिका बनाउँने आफुहरूको योजना थप सहज ढंगले अगाडि बढ्ने बताए ।

सो क्रममा बोल्दै नवआगन्तुक प्रमुख प्रशासकिय अधिकृत प्रकाश पाण्डेले पालिकाको सेवा प्रवाहलाई थप व्यवस्थित र सेवाग्राहीमुखी बनाउँने प्रतिबद्धतासंगै माण्डवीलाई नमुना बनाउँने पालिका अध्यक्ष र कार्यपालिकाको योजनामा सफल बनाउँन आफुले भुमिका खेल्ने बताए ।

कार्यक्रममा पालिका उपाध्यक्ष पुर्ण प्रसाद कालाथोकी सहित पालिकाका ५ वटै वडाका अध्यक्ष, कार्यपालिका सदस्य तथा कर्मचारीहरूको उपस्थिति रहेको थियो ।

पाल्पा जिल्लामा स्थायी घर भएका पाण्डे यसअघि लुम्बिनी प्रदेशको शिक्षा तथा खेलकुद मन्त्रालयको युवा विकास शाखामा शाखा अधिकृतको रुपमा कार्यरत थिए । उनी २०७१ सालमा निजामती सेवामा प्रवेश गरेका हुन् ।